شعـــــرونه

غزل؛ جانان خدرخېل

جانان خدرخېل

زموږ غازي لاسو کې تورې ښې دي
د دښمنانو مېندې بورې ښې دي

په لوڼو، خوېندو چې تعلیم نۀ کوي
ښځې یې دغسې مجبورې ښې دي

خدای دې یې هیڅ کله سرتورې نکړي
دا پښتنې خو لکه حورې ښې دي

یو خو دې سترګې بادامي ښکلې دي
بل دې خوږې شونډې کجورې ښې دي

چې نۀ سلام اچوي، نۀ یې اخلي
نجونې همدغسې مغرورې ښې دي

موږ غواړو ښځې شي د کور ملِکې
دوی وایي نه! ښځې مزدورې ښې دي

ګوندې یوسف غوندې لالی پیدا کړي
د “خدرخېل” سترګې رنځورې ښې دي

ـــــــــــــــــــــــــــــ

۱۳۹۸/۹/۲۵

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x