روغتیا

چین: کورونا ویروس څخه د مړینو شمېر له ۸۰ تنو لوړ شوی

نن ټکی اسیا (دوشنبه، ۷ سلواغه، ۱۳۹۸ل): د چین د هوبای ایالت د روغتیا کمیټې په یوه راپور کې ویلي چې د نوي ویروس کورونا څخه د جنوري تر ۲۶مې نیټې تر پایه د مړو شمېره له ۸۰ پورته شوې او پر دې د اخته کسانو شمېر ۳۰۰۰ تنو ته رسیدلی.

تېره ورځ د روغتیا نړیوال سازمان مشر «تیدروس ادهانوم» د یوه ټویټ له لارې اعلان کړی و چې د چینایي چارواکو سره د کورونا ویروس په اړه د خبرو لپاره بیجینګ ته روان دی.

د روغتیا نړیوال سازمان درې ورځې وړاندې په خپله بیړنۍ غونډه کې د یاد ویروس په اړه بیړنی حالت اعلانول له وخت وړاندې پریکړه ښودلې وه.

دغه ویروس په ضرب د یوې نیمې میاشتې کې د چین د ګڼو ښارونو سربېره په یو شمېر هېوادونو کې هم خپور شوی چې په کې بیلا بېلې پيښې ثبتې شوې دي.

د افغانستان حکومت له چین غوښتي چې افغانستان ته خپلې الوتنې ودروي، د عامې روغتیا وزارت مشر فیروز الدین فیروز تیره ورځ د مرکې پرمهال افغانانو ته د یاد ویروس په اړه ډاډ ورکړی و او زیاته کړې وه چې ددې مخنیوي لپاره چمتو والی لري.

نوموړي د چین حکومت څخه غوښتي تر څو هغه «۶۲» افغانانو ته اسانتیاوې او طبي ترتیبات چمتو کړي چې په ووهان ښار کې زده کړې کوي.

چین حکومت د ووهان ښار اساسي لارې تړلي، د هوایي ډګر نږدې ټولې الوتنې درول شي، ددې سربېره یې په لسو نورو ښارونو کې هم یاد ترتیبات عملي کړي دي.

تر اوسه د چین ساینس پوهان د یاد ویروس په تشخیص کولو نه دي توانېدلي، خو دوی وایي چې د روغتیا نړیوال سازمان سره په ګډه څیړنې کوي.

پر کورونا ویروس اخته کسان تبه، زکام او ټوخی لري او د تنفس سیستم یې هم ګډوډیږي، دا ویروس له ځناورو انسانانو ته انتقال شوی او په اسانۍ سره له یوه کس څخه بل ته انتقالیدی شي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
غ.حضرت

د ( ابابیل ) داستان خوشی یوه افسانه نه ده. د الله سبحانه و تعالی پټی لښکری کله د مرغه په بڼه او کله د ویروس په بڼه او کله د طبیعی آفتونو په بڼه خپل ماموریت سر ته رسوی. په یوویشتمه پېړۍ کی د ددموکراسۍ په کارنیوال کی یو هیواد دومره متکبر او مغرور سی چی د ټولو نړیوالو نورمونو په خلاف د خپل وطن اقلیت وګړی د سختو ربړونو او ځوروونو سره مخامخ او نړیوال هم د ځینو ملاحظاتو له وجی د هغوی پر دې ظالمانه کړنو د اعتراض جرئت ونلری. هیله ده د ( کرونا وایروس )… نور لوستل »

Back to top button
1
0
Would love your thoughts, please comment.x
()
x