غزني کې د بهرنیانو الوتکې سقوط کړی
نن ټکی اسیا (دوشنبه، ۷ سلواغه، ۱۳۹۸ل): نن ورځ له غرمې وروسته د غزني ولایت په ده یک ولسوالۍ کې د بهرنیانو یوه چورلکه، لوېدلې او پکې سپاره کسان له منځه تللي.
دغه الوتکه، چې د طالبانو تر واک لاندې ساحه کې راپرېوتې، په اړه یې په لومړیو کې ضد او نقیض راپورونه ورکړل شول، د کابل حکومت چارواکو لوېدلې الوتکه مسافر وړونکې د اریانا افغان هوايي ملکي شرکت اړوند وبلله؛ خو اریانا افغان شرکت دا اوازې رد کړې.
تازه د غزني ولایت والي «وحیدالله کلیمزي» او د نوموړي ویاند «عارف نوري» ومنله، چې لوېدلې الوتکه د افغانستان په هوايي شرکتونو پورې اړه نلري او د کوم بهرني شرکت اړوند ده.
په ټولنیزو رسنیو باندې د لوېدلې الوتکې په خپره شوې ويډیو کې په الوتکه باندې داسې نښي لیدل کېږي، چې ښيي الوتکه د امریکایي سمندري ځواک اړوند ده.
US Air Force plane crash in #Ghazni #Afghanistan.
11-9358 is one of four #USAF E-11A Battlefield Airborne Communications Node airplanes based in #Kandahar. pic.twitter.com/qUT4sUonhh
— Kabuli كابلى (@kabulii) January 27, 2020
اسوشيټيد پریس خبري اژانس د امریکايي ځواکونو د یوه تن ویاند «ریورډان» له قوله لیکلي، چې دوی په دې برخه کې څېړنې کوي.
بل لور ته د طالبانو ویاند «ذبیح الله مجاهد» په خپل ټویټر لیکلي « نن له غرمې وروسته د غزني ولایت د دهیک ولسوالۍ په سدوخیلو سیمه کې د امریکايي اشغالګرو هغه ځانګړې الوتکه را نسکوره شوه چې د استخباراتي ماموریت لپاره يې په سیمه کې پرواز کاوه.په یاد پرمختګ کې د الوتکې ټوله عمله او په کې ناست د امریکا د (CIA)ګڼ شمیر لوړ رتبه افسران ووژل شول.»
په غزني کې د امریکايي اشغالګرو یوه الوتکه رانسکوره شوه، ګڼ لوړ رتبه افسران په کې ووژل شول https://t.co/QWN6cbdb2w pic.twitter.com/qeqypA7qFH
— Zabihullah (..ذبـــــیح الله م ) (@Zabehulah_M33) January 27, 2020
جوړ تازه،
دوه ورځی مخکی جرمنی برلین ښار ته تللی وم.یو بهرنی دیپلومات سره می هم د منطقه په حالاتو باندی پراخ بنډار وکړ،
د بنډار په درشل کی د بهرنی دیپلومات د خولی دا خبره راووتله چه،
ایران اخوندانو طالیب جنګیالیوته دفع هوا ،سپک راکټونه ورکړی دی،دا ڼن طیاری ویشتل فکر کوم د دیپلومات خبره رښتیا ده،
هیله ده چی دا نسکوره سوې الوتکه د سوارۍ سره سبا لس نیمو بجو ته کباړ سی.