افغانستان

هوايي برید یوه مور له خپلو دوو ماشومانو سره یو ځای وژلې

نن ټکی اسیا (شنبه، ۱۲ سلواغه، ۱۳۹۸ل): د بادغیس ولایت په مقر ولسوالۍ کې د بهرنیانو هوايي برید یوه مور او دوه ماشومان وژلي.

د راپورونو په اساس، پېښه د مقر ولسوالۍ په «نو اباد» کلي کې  تېره شپه رامنځته شوې، چې له امله یې یوه مور له خپلو دوو ماشومانو سره یو ځای وژل شوې.

د بادغیس د ولایتي شورا رییس « عبدالعظیم بیګ» شمشاد تلويزون ته ویلي، د یوې مور جسد روغتون ته راوړل شوی او د دوو ماشومانو جسدونه پر لاره دي.

د بیګ په خبره، د وژل شوې مېرمنې ماشوم هم په نس وو.

یاده دې وي، چې دا په تېره یوه اوونۍ کې ملکي وګړو ته د اوښتونکو تلفاتو درېیمه پېښه ده، چې د بهرنیانو د هوایي برید په پایله کې رامنځته کېږي.

تېره ورځ د کندز ولایت په دشت ارچي او تر هغه وړاندې د زابل ولایت په سیوري ولسوالۍ کې هم ګڼ ملکیان د هوايي بریدونو قرباني شوي وو.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x