افغانستان

ميدان وردګ: ګډو ځواکونو جومات نړولی

نن ټکی اسیا (شنبه، ۱۲ سلواغه، ۱۳۹۸ل): د ملکي وګړو په کورونو د ګډو ځواکونو د بريدونو او شپنيزو عملياتو په دوام دا ځل بيا په ميدان وردګ ولايت کې ګډو ځواکونو د ملکي وګړو په کورونو چاپې وهلي چې په نتيجه کې يې يو جومات نړولی او د ولسي خلکو کورونه يې زيانمن کړي دي.

راپورونه وايي چې ګډو ځواکونو تېره شپه د ميدان وردګ ولايت چک ولسوالۍ اړوند خوات درې په کولک، مانګي، فقیری او علیشنګ سیمو کې ګډو ځواکونو د ملکي خلکو په کورونو چاپې ووهلې چې په نتيجه کې يې يو جومات نړولی او د خلکو کورونه يې ويجاړ کړي دي.

له سيمې څخه د ترلاسه شويو معلوماتو له مخې ګډو ځواکونو د جومات د بشپړ نړولو سربېره د ګڼو خلکو کورونو دروازې هم ماتې کړي دي او مالونه يې لوټ کړي دي.

په دې چاپه که څه هم چاته د سر زيان نه دی اوښتی خو دوه ملکي وګړي ګډو ځواکونو له ځان سره وړي دي.

د ميدان وردګ ولایتي چارواکو په دې اړه تر اوسه څه نه دي ويلي.

بايد وويل شي چې په دې ورستيو کې د ګډو ځواکونو له لوري د ملکي وګړو په کورونو چاپې او هوايي بريدونه تر بل هر وخت زيات شوي دي چې په نتيجه کې يې د ملکي وګړو په مرګ ژوبله کې هم زياتوالی راغلی دی.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
اجمل

ګډ ځواکونه جوماتونه ورانه وی طالبان مو سړکونه. دواړه دی د الله په غضب شی.

عبدالله

سوک راته مسجد نروی سوک راته مسجد کی زانمرگی کوی، سوک راته امام شهیدوی سوک بیا راته معلم شهیدوی، د افسوس زای دادی چی مقتولین مسلمانان دی او قاتلین هم یا مسلمانان دی او یا د مسلمانانو مرسته ورسره ده.

Back to top button
2
0
Would love your thoughts, please comment.x
()
x