افغانستان

پکتيا او بلخ کې ګډو ځواکونو ۵ ملکي وګړي وژلي

نن ټکی اسیا (شنبه، ۱۹ سلواغه، ۱۳۹۸ل): د ملکي وګړو په کورونو د ګډو ځواکونو شپنيزو عملياتو او چاپو په دوام دا ځل بيا په پکتيا او بلخ ولايتونو کې ګډو ځواکونو پنځه ملکي وګړي وژلي دي.

راپورونه وايي چې تېره شپه د پکتیا ولایت زرمت ولسوالۍ اړوند سهاکو سيمه کې ګډو ځواکونو د ملکي وګړو په کورونو او ميشت ځايونو چاپې اچولي دي چې په نتيجه کې يې د مسجد د ملا امام په ګډون درې تنه ملکي وګړي وژلي دي.

له سيمې څخه د ترلاسه شويو معلوماتو له مخې په دې چاپه کې ګډو ځواکونو د ملکي وګړو د کورونو دروازې هم ماتې کړي او د کورونو سامانونه يې سوځولي دي.

همدا راز د بلخ ولايت چمتال ولسوالۍ اړوند هزارو سيمه کې هم نن سهار د امريکايي چورلکو په هوايي بريد کې د محمد شاه او شاه رسول په نامه دوه ملکي وګړي وژل شوي او يو بل ملکي وګړی ټپي شوی دی.

تر اوسه پورې د پکتيا او بلخ ولايتي چارواکو په دې اړه څه نه دي ويلي‌.

بايد وويل شي چې په دې ورستيو کې د ګډو ځواکونو له لوري د ملکي وګړو په کورونو د بهرنيو ځواکونو له لوري شپنيز عمليات او چاپې زياتې شوي دي چې له امله يې د ملکي وګړو په مرګ ژوبله کې هم زياتوالی راغلی دی.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close