افغانستان

کابل: سرتېري برید مرګ ژوبله اړولې

نن ټکی اسیا (سه شنبه، ۲۲ سلواغه، ۱۳۹۸ل): د کابل ولایت په پنځمه امنیتي حوزه کې د مارشال فهیم نظامي اکاډمي سره سرتېري برید مرګ ژوبله اړولې.

د کورنیو چارو وزارت ویاند «نصرت رحیمي» وایي، مرګ ژوبله د ځانمرګي برید له امله رامنځته شوې او ملکي وګړو ته هم پکې مرګ ژوبله اوښتې ؛ خو په خبره يې په دې برخه کې لا هم بشپړ مالومات نلري.

بل لور ته ازاد خبریال «بلال سروري» د یوه لوړپوړي امنیتي چارواکي له قوله لیکلي، چې برید د مارشام فهیم د نظامي اکاډمي د موټرونو په تمځای کې رامنځته شوی، چې له امله یې یو ښوونکی، دوه د نظامي زده کړو زده کوونکي  او دوه ملکي وګړي وژل شوي.

د سروري په خبره، په دې پېښه کې د ملکي وګړو په ګډون لس تنه ټپیان شوي هم دي.

یاده دې وي، چې په مارشال فهیم نظامي اکاډمي باندې شوی برید لومړنی نه دی، تر دې وړاندې هم په دې اکاډمي ګڼ بریدونه شوي او وروستۍ هغه يې د تېر میلادي کال په می میاشت کې رامنځته شو، چې دوولس تنو ته پکې مرګ ژوبله واوښته.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x