افغانستان

اشرف غني: پمپیو د سولې په پروسه کې د مهم پرمختګ خبر راکړ

نن ټکی اسیا (سه شنبه، ۲۲ سلواغه، ۱۳۹۸ل): د ګډ حکومت ولسمشر اشرف غني ویلي چې د امریکا د بهرنیو چارو وزیر مایک پمپیو ورته د طالبانو سره د سولې په پروسه کې د مهم پرمختګ خبر ورکړی دی.

نوموړي پر خپل ټویټر پاڼه د پمپیو له خولې لیکې چې طالبانو د جګړې د شدت په را کمولو کې وړاندیز ورته کړی دی چې په وینا یې ښه پرمختګ دی.

د یادونې وړ ده، دوه ورځې وړاندي د طالبانو سیاسي دفتر ویاند سهیل شاهین هم پر خپل ټویټر د خلیلزاد، ملا برادر اخند او قطر بهرنیو چارو وزیر د ملاقات خبر ورکړی وو او ویلي وه چې په دغه ناسته کې د مذاکراتو پر نتایجو او بعدي قدمونو په اړه خبرې شوي وې.

نن ټکی اسیا ته د سیاسي دفتر سرچینو ویلي وه چې طالبانو امریکا ته شاوخوا لس ورځې مخکې په رسمي ناستو کې خپل موقف او د تاوتریخوالي د کموالي په اړه وروستي پیشنهادونه ورکړي وه او تر درو ورځو مذاکراتو وروسته بالاخیره د امریکایانو سره یوې نتیجې ته رسیدلي وه خو خلیلزاد د ټرمپ د موافقې اخیستلو ته انتظار وو.

د کتونکو په باور د امریکا د بهرنیو چارو وزیر مایک پمپیو له لوري ولسمشر اشرف غني ته تلیفون کول او د پرمختګ خبر ورکول پر دې دلالت کوي چې امریکا د طالبانو دریځ منلی او موافقتنامې لاسلیک ته اماده شوې ده.

که څه هم تر اوسه د امریکا او طالبانو تر منځ د موافقتنامې مسوده نه ده نشر شوې، خو د امریکا له لوري د مذاکراتي ټیم مشر زلمی خلیلزاد او طالبانو په مکرر ډول ویلي چې د یادې توافقنامې پر اساس به امریکايي عسکر په یوه معینه موده کې له افغانستان څخه وځي، د افغانستان خاوره به د امریکا او متحدینو پر خلاف نه کاریږي، بین الافغاني مذاکرات به پیلیږي او په پایله کې به یې بشپړ اوربند را منځته کیږي.

طالبانو په خپل وار مکرر ویلي چې د یادې توافقنامې تر لاسلیک وروسته به ژر تر ژره ددوی ۵ زره بندیان خوشي کیږي او تر هغه وروسته به بین الافغاني مذاکرات کیږي.
طالبانو د خپلو بندیانو لستونه لمخکې لا امریکایانو ته سپارلي دي، په دغه موده کې به طالبان هم زر تنه عسکر خوشي کوي.

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
Adam Khan

HAHA, The tweet from Besharaf Ghani shows like he is in control of the country, not the US. And it looks like the US is a hired agent working for him to bring peace

WASHARMIGI DA BABRAK KARGHAL WAROORA BABRAK KARGHAL BA HAM STA PA SHAN BE MANTIQAH KHABARI KAWALI

تبصره

عبدالمالک همت

د دې بې حيا او بې وعدې لوپرانو او د قرن د اوباشانو دا هغه وخت منئ چي عملاً يې څه تر سره کړه .

الحاج استاذ بیانزی

بس د سولی په اړه یواځی پمپو دی چه ع او غ ### سره یی په اړه اړیکی نیسی بل څوک نشته دا سمه ده چه د بارنی چارو وزیر دی مګر په څنګ کی یی دیر نور کسان لکه ترمپ د ترمپ معاون د امنیتی چارو سلاکار او داسی نور هم شته چه د دی غلامانو سره به یی اړیکی لرلی او د ریس سره خو باید ریس خبری وکړی .
مګر غلام غنی د ## په شان بادار ته باګرام ته ورځغلی او بیا یی د عسکرو په قطار کی دروی

Back to top button
3
0
Would love your thoughts, please comment.x
()
x