خوست: ډرون بريد کې ۵ ملکي وګړي وژل شوي

نن ټکی اسیا (پنجشنبه، ۲۴ سلواغه، ۱۳۹۸ل): په ملکي وګړو د امريکايي ځواکونو د چاپو او هوايي بريدونو په دوام دا ځل بيا په خوست ولايت کې د بې پيلوټه الوتکې بريد کې پنځه ملکي وګړي وژل شوي.

راپورونه وايي چې تيره ورځ مازيګر د خوست ولايت نادرشاه کوټ ولسوالۍ اړوند زيني خيلو سيمه کې په هغو کسانو ډرون بريد شوی چې غره ته د لرګيو اخيستو لپاره تللي وو او بیرته سمې ته راکوزېدو په حال کې وو.

د سيمې اوسېدونکو نن ټکي اسيا ته د وژل کسانو نومونه
سیف الله، شفیق الله، متشکي، شاه پور او یعقوب ياد کړي دي او ويلي يې دي چې وژل شوي کسان د لرګيو سوداګر وو چې غره ته د لرګيو د سودا لپاره ختلي وو.

بايد وويل شي چې امريکايي ځواکونو تر دې وړاندې هم ګڼ شمير ملکي وګړي په سمو او غرونو کې په نښه کړي دي.

تير کال په ميدان وردګ ولايت کې هم اووه تنه کليوال چې غره ته لرګيو لپاره تللي وو په هوايي بريد کې وژل شوي وو.

تر اوسه د خوست ولايتي چارواکو په دې اړه څه نه دي ويلي‌‌.

د نن ټکی اسیا یوټیوب چېنل
avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
سرفراز
میلمه
سرفراز

دا وحشی یرغلګر اوددوی غلامان خو دجنګ تشدد کمول اواوربند غواړی خودوی هره ورځ پر بی ګناه او ملکی خلکو بمباری کوی دا ظالم او جابر یرغلګر اوددوی کثیف غلامان نور په دې پاکه خاوره اخری سلګۍ وهی دختم شپی اوورځی یی رانږدی دی

پتنګ
میلمه
پتنګ

د اشغالګرو متکبر منطق ته ګورۍ ! !! ! !! ! !! ! ! په طالبانو تشدد کموي خو په خپله دوی افغانان وژني ! !زه ددې فاسدینو عمل او خبرو ته حیران یم !!