خلیلزاد: د بریا ضمانت هیڅوک نشي کولای؛ خو موږ  باید خپله هڅه وکړو

نن ټکی اسیا (یکشنبه، ۲۷ سلواغه، ۱۳۹۸ل): د افغانستان لپاره د امریکا د متحده ایالاتو ځانګړی استازی «زلمی خلیلزاد» په قطر کې له طالبانو سره تر اوږدو مذاکراتو وروسته جرمني ته رسېدلی او هلته یې د مونیخ امنیتي کنفرانس په څنډه کې د ناټو او امریکا له ګڼو چارواکو سره په افغان سوله خبرې کړې.

خلیلزاد د یو شمېر ناټو او امریکایي چارواکو سره خپل ګډ انځورونه په ټویټر خپاره کړي، د افغان سولې له پروسې یې د هغوی ملاتړ ستایلی او  وړاندې یې لیکلي  « د بریا ضمانت هیڅوک نشي کولای؛ خو موږ باید تر خپله وسه هڅه کوو.»

We all know success is not guaranteed but we all believe we must do our best.

I appreciate the overwhelming support here for the #AfghanPeaceProcess. pic.twitter.com/8WE3X3psRo

— U.S. Special Representative Zalmay Khalilzad (@US4AfghanPeace) February 15, 2020

خلیلزاد ددې تر څنګ د ګډ حکومت له مشر سره هم لیدلي او په تړاو یې کاږي « خوښ یم، چې اشرف غني وینم، موږ دلته د تاوتریخوالي د کمېدو او د سولې پروسې د همه شموله کولو په فرصت خبرې وکړې، موږ له ټولو افغانانو هیله لرو، چې دوی به د څلوېښت کلنې جګړې د پای ته رسولو په برخه کې دا فرصت غنیمت وبولي.»

Good to meet with Pres @AshrafGhani again today in #Munich. We spoke about the opportunity of this reduction in violence & the imperative of preparing for an inclusive #AfghanPeaceProcess. We urge all Afghans to seize the moment & end the misery of more than four decades of war. pic.twitter.com/71qy5CSSsI

— U.S. Special Representative Zalmay Khalilzad (@US4AfghanPeace) February 16, 2020

خلیلزاد وروسته له هغه، د سولې په برخه کې د بشپړې هڅې خبره کوي، چې په قطر کې یې ټیم له طالبانو سره هوکړې ته په رسېدو ښکاري او تمه ده په نږدې راتلونکې کې د دواړو لورو تر منځ د توافقنامې په لاسلیک د پېچلې مذاکراتو دا لړۍ د افغانانو په خپلمنځي خبرو ورتم شي.