افغانستان

ملګري ملتونه: د افغان سولې پروسه له نږدې څارو

نن ټکی اسیا (دو شنبه، ۲۸ سلواغه، ۱۳۹۸ل): د ملګرو ملتونو سرمنشي « انټونيو ګوټريس» وايي، د سولې په پروسه کې د پاکستان رول ټاکونکی اهمیت درلود او دوی دا پروسه له نږدې څاري.

انټونیو ګوټریس دغه څرګندونې تېره ورځ په اسلام اباد کې له افغان کډوالو د پاکستان د  څلوېښت کلن کوربتوب په مناسبت جوړې شوې ناستې ته کړې، نوموړي ویلي « زه د افغانستان د سولې حیاتي خبرې له نږدې څارم، څو په مجموع کې د ټولو او په ځانګړي ډول د ولسي وګړو په وړاندې تشدد راکم شي.»

د نوموړي په قول، د سیمه ییزې اجماع د جوړولو په برخه کې د پاکستان رول ټاکونکی او اړین وو.

ګوټریس ددې تر څنګ له پاکستان مننه کړې، چې د افغانانو د څلوېښت کلن کوربتوب له امله یې د کډوالو د پالنې بېلګه پرې اېښې.

ملګري ملتونه داسې مهال د افغان سولې د پروسې د څار خبره کوي، چې په قطر کې طالب او امریکایي مذاکراتي ټیمونه یوه توافق ته نږدې شوي ښکاري او تمه ده دواړه لوري په نږدې راتلونکې کې د توافقنامې د لاسلیک په موخه د مذاکراتو مېز ته راټول شي.

د طالبانو د مذاکراتي ټیم غړي او د قطر دفتر مرستیال «عبدالسلام حنفی» له «نن ټکی اسیا» سره په خپله مرکه کې وویل، د سولې توافقنامه به د روانې میاشتې تر پایه لاسلیک شي او ورسره هم مهاله به پنځه زره طالب بندیان د بهرنیانو له لوري او زر تنه زندانیان به د طالبانو له لوري خلاص کړل شي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
مجاهد

کشکی نړیوالو په رشتیا هم نړیواله با صلاحیته ټولنه او نړیوال اساسی قانون لرلی، ځانګړی نړیواله محکمه ، بیطرفه اردو او پولیس یی لرلی او هغه نړیوال قانون الهی قانون وی چا به کله په چا ظلم او استثمار کولو او په رڼا ورځ به یی له توره سپین او له سپینه تور نه چوړولو د سپټمبر په شان فاحعی به نه جوړیدلی او په بهانه او غچ اخستنه به یی د میلونو بی ګناه او بیدفاع مسلمانانو وینی نه بهیدلی . په هر صورت، اوسنی ملګری ملتونه د امریکا یوه لاسپوڅی اداره ده نیویارک کی د امریکا په ودانی… نور لوستل »

Back to top button
1
0
Would love your thoughts, please comment.x
()
x