طالبان د نظامي هلیکوپتر د راغورځولو خبر ورکوي
نن ټکی اسیا (دو شنبه، ۲۸ سلواغه، ۱۳۹۸ل): طالبان وایي، د نیمروز ولایت په دلارام ولسوالۍ کې یې یوه نظامي چورلکه راغورځولې.
د طالبانو ویاند «قاري یوسف احمدي» په همدې تړاو په خپل ټویټر لیکلي «د نیمروز ولایت دلارام ولسوالۍ اړوند د سپینې قرارګاه سیمه کې د دښمن یوه نظامي هلیکوپتر د عملیاتو په مهال د مجاهدینو په برید کې رانسکوره شوه.»
د احمدي په خبره، په دې اړه به نور جزئیات وروسته ورکړي.
#الفتح:
تازه: د نیمروز ولایت دلارام ولسوالۍ اړوند د سپینې قرارګاه سیمه کې د دښمن یوه نظامي هلیکوپتر د عملیاتو په مهال د مجاهدینو په برید کې رانسکوره شوه.
جزئیات بیا
احمدي— Zabihullah (..ذبـــــیح الله م ) (@Zabehulah_M33) February 17, 2020
که څه هم لا څرګنده نه ده، چې ویشتل شوې الوتکه په بهرنیانو او که داخلي ځواکونو پورې اړه لري؛ خو دا الوتکه په لنډه موده کې څلورمه نظامي الوتکه ده، چې د طالبانو په برید کې له منځه ځي.
کابو میاشت وړاندې د غزني ولایت په ده یک ولسوالۍ کې هم طالبانو د امریکايي استخباراتي ادارې «سې آی اې» یوه الوتکه راغورځولې وه.
