افغانستان

اشرف غني د طالبانو له لوري د جګړې تشدد کمولو هرکلی وکړ

نن ټکی اسیا (جمعه، ۲ کب ۱۳۹۸): د کابل حکومت مشر اشرف غني په خپلې تلويزوني وينا کې د طالبانو له لوري د اوو ورځو لپار د جګړې تشدد کمولو هرکلی

کړی، خو په عين حال کې يې ټينګار کړی، چې د دې اوو ورځو پر مهال باید محتاطانه ګامونه پورته شي.

ښاغلي غني وويل، حکومت له طالبانو د اوربند غوښتنه کوله، خو چې هغوی د تاوتريخوالي په کمولو هوکړه کړې، دا هم د اوربند او تلپاتې سولې لپاره يو مهم ګام دی.

نوموړي په خپلو خبرو کې امنيتي ځواکونو ته وويل، چې د تاوتريخوالي کمولو دستور عملي کړي، خو له طالبانو پرته د داعش او نورو ډلو پر خلاف خپلو عملياتو ته دوام ورکړي.

د اشرف غني په وينا د تاوتريخوالي کمولو يوې اونۍ پر مهال دولتي عسکر به وضعيت په جدي توګه څاري او وروسته به خلک ارزونه کوي او نور ګامونه به واخيستل شي.

د کابل حکومت مشر د طالبانو له لوري د تاوتريخوالي کمولو هرکلی په داسې حال کې کړی، چې تر دې وړاندې  په بشپړ اوربند ټينګار کاو او د تاوتريخوالي کمولو طرحې منل يې له امکانه بهر بللي وو.

دا په داسې حال کې چې د امريکا او طالبانو ترمنځ د جګړې تشدد په کمولو هوکړه شوې او نن شپه دولس بجې به دا لړۍ د يوې اونۍ لپاره پيل شي او د روانې فبرورۍ په ۲۹مه به په قطر کې د امريکا او طالبانو ترمنځ د سولې تړون لاسليک شي.

د سولې له تړون وروسته به له افغانستانه د بهرنيو پوځيانو وتل پيل او بین الافغاني خبرې شروع شي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
الحاج استاذ بیانزی

غلام غنی ته خو د حقانی نه خوشی کیدل هم سره کرښه وه مګر هغه سره کرښه د یوه غلام په خوله یعنی قومانده ورته ورکړی شوی وه خو کله چه قومانده بدله شوه هغه سره په شنه کرښه بدله شوه. غلام غنی ته خو د اوو ورځو د پاره اوربند هم سره کرښه وه مګر هغه سره کرښه د یوه غلام په خوله یعنی قومانده ورته ورکړی شوی وه خو کله چه قومانده بدله شوه هغه سره په شنه کرښه بدله شوه او داسی نور او نور. اصل موضع مجاهد اولس ته د سولی نه د بریا مبارکی وایو… نور لوستل »

Back to top button
1
0
Would love your thoughts, please comment.x
()
x