طالبان: دا عام اوربند نه دی

نن ټکی اسیا (شنبه، ۳ کب ۱۳۹۸): طالبانو ويلي، له امريکا سره د شوې هوکړې له مخې دوی د جګړې تشدد کمولو ته ژمن دي، خو دا عام اوربند نه دی.

د طالبانو وياند ذبيح الله مجاهد په خپل ټويټر پيغام کې ويلي: «د توافقنامې د لاسلیک لپاره د مناسبې فضاء په برابرولو کې د ټولو ولایاتو مرکزونه د قول اردوګانو، فرقو، غونډونو او بهرنیوقواو مرکزونه شامل دي.»

ښاغلي مجاهد زياته کړې، له دې پرته د دوی د جنګياليو له لوري هر ډز او برید له هوکړې سرغړونه نه بلل کيږي.

د ذبيح الله مجاهد د سپيناوي سربېره د جګړې تشدد د کمولو راهيسې تر اوسه په هېواد کې کومه ستره امنيتي پېښه نه ده رامنځته شوې.

د کورنيو چارو وزارت وايي، د جګړې تشدد کمولو هوکړه تر ډېره عملي شوې او يوازې د بلخ زارع، د پکتيا په ځاځي اريو او د روزګان په چينارتو ولسوالۍ وسله والې نښتې شوي دي.

د بلخ او پکتيا پېښو کې د مرګ ژوبلې په اړه څه نه دي ويل شوي، د کورنيو چارو وزارت د وياند مرستياله مروه اميني وايي، په چينارتو ولسوالۍ کې دوه پوليس وژل شوي دي.

دا په داسې حال کې، چې تېره شپه له دولس بجو راهيسې د امريکا او طالبانو ترمنځ د شوې هوکړې له مخې د يوې اونۍ لپاره د جګړې تشدد کمولو لړۍ پيل شوې او د دې امتحاني دورې له بريا وروسته د روانې فبروۍ مياشتې په ۲۹مه به د امريکا او طالبانو ترمنځ د سولې تړون لاسليک او د بهرنيو پوځيانو د وتلو لړۍ پيل شي.

ټاګونه

ورته لیکنې

avatar
1 د تبصرو شمېر
1 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
احمد شاه ګلزار
میلمه
احمد شاه ګلزار

مونږ فېسبوک کى مخلکوته سوله مبارکى ووېله دا واېې مونږ مرګ ته ادامه ورکوو،، خلګ جګړه نغواړى ،

غلام سخی بکواهی
میلمه
غلام سخی بکواهی

جنگ نه غواری خو جهاد فرض دی تر سوچی یهود او نصارا له دی پاکی خاوری نه وی وتلی جهاد فرض عین دی

Back to top button
Close
Close