افغانستان

اشرف غني او عبدالله عبدالله د لوړې ترسره کولو لپاره بېل، بېل تیاری نیسي

نن ټکی اسیا (دوشنبه، ۵ کب، ۱۳۹۸ل): د ګډ حکومت اوسنی مشر «اشرف غني» او اجرائیه رییس «عبدالله عبدالله» دواړه د ولسمشرۍ دعوه کوي او د لوړې د ترسره کولو لپاره هر یو بېل ، بېل مراسم نیسي.

ارګ مشر «اشرف غني» تېره ورځ د یوه فرمان له لارې د لوړي مراسمو ته د ناستې برابرولو په موخه یو کمېسیون ټاکلی وو او امر ورته شوی وو، څو «پرتمینه» ناسته برابره کړې، چې نن یې په تعقیب «عبدالله عبدالله» هم د لوړې د مراسمو د ترسره کولو لپاره له خپل ګمارل شوي کمېسیون سره مشوره کړې.

د ثبات او همپالنې ټیم ویاند «فریدون خوزون» په خپله فسبوک پاڼه لیکلي، چې د لوړې د مراسمو د ترسره کولو لپاره تیاری نیول شوی او نېټه به یې ژر تر ژره اعلان شي.

یاده دې وي، چې د ټاکنو د خپلواک کمېسیون له لوري د ټاکنو د وروستیو پایلو تر اعلان وروسته د اشرف غني او عبدالله عبدالله تر منځ ناندرۍ روانې دي.

عبدالله عبدالله د موازي حکومت د جوړلو ګواښ کړی او یو شمېر ولایتونو ته یې خپل والیان هم ټاکلي.

دا په داسې حال کې، چې د طالبانو او امریکا تر منځ د سولې خبرې وروستۍ شوې او د روانې میلادي میاشتې په ۲۹ مه نېټه د ګڼو هیوادونو د استازو په حضور کې د سولې توافقنامه لاسلیک کوي.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عبد الله الفاروقي

دغسي شرمنده خه دي

Back to top button
1
0
Would love your thoughts, please comment.x
()
x
Close
Close