ټولنیزه برخه

منفي ته نه ووایاست!

عبدالجبار مطمئن – فراه!

ځینې انسانان تل په منفي لاره روان وي او نور خلکو ته هم د تشویش دروازي خلاصوي، خو تاسو هوښيار وشئ، او پوره پام ساتئ!

که څوک د لړزونکو او ډار حالتونو داستان وایې او د (کرونا، سرطان، انفولانزا) له وحشته ډک داستانونه راوړي نو تاسو مهربانه خداي ور یاد کړئ، د ستر څښتن هغه خبره وریاده کړئ چې فرمايې: (لعل الله یحدث بعد ذلک أمرا) کیدی سې الله تعالی له دي (ناخوالي) وروسته ښې پيښې کړي.

ځينې وخت ستر پرورګار خپل یو ظاهرا ناتوانه او کمزوری مخلوق د مغرور انسان په جنګ راواستوي ترڅو د هغه کمروزتیا ورته ثابته کړي او په دي یې پوه کړې چې (پیدا کړی خداي د سر دپاسه سر دی).

منفي بافه انسانانو ته دا ور یاده کړئ چې سهار او رڼا تل له تورو شپو وروسته راځي!

هغه ستونزې ور یادي کړئ چې په لاسته راوړونو بدلې شوې دي.

د نيک پالۍ او مثبتې ارزونه خبره ور یاده کړئ چې څومره ستونزي د نیکپالۍ په مټ په خوښۍ بدلې شوي دي.

د نيک پالۍ اړخ ټینګ کړئ، ځکه زموږ دین د نیکپالۍ دین دی او زموږ خوږ پيغمبر (ص) به تل د نیکپالۍ اړخ نیولی وو او له بدپالۍ یې سخته کرکه لرله.

د اميد خبره وکړئ او په ستر څښتن باندي پوره باور ولرئ، هغه ستاسو ساتونکی دی او هغه مو پالونکی دی او دهغه مهربانه رب دا قول ور یاد کړئ چې فرمایې: (سيجعل الله بعد عسر یسرا) کیدی شې الله ج له دي کړاو وروسته ټيکاو را منځته کړي.

او دا ور یاده کړئ چې د الله رحمت هرڅه ته رسيږي، او ټوله نړۍ ډکوي… او دا چې صبر د بريا کلې ده او په زغم باندي سترو بریا وو ته رسيدلاي شو.

په دي يې خبر کړئ چې آزمایښت او ابتلاء به أنبياء عليهم السلام ته هم راتلل، ترڅو هغوي ته ستر ځاي او منزلت ورکړي او ځانته یې لا ډیر نږدي کړي.

او په پاي کې دا خبره د غوږ غوږوالی کړئ چې (دعاء ته پوره پام کوئ) ځکه دعاء د عبادت مغز ګڼل شوی او دا یقين ساته چې ستا د دعاء ځواب د مهربانه خداي په دربار کې له دي پرته بل نشي کیدی (فاستجبنا له) موږ د هغه دعاء قبوله کړه.

اللهم اِني أعوذبک من البرص والجنون والجذام و من سیئ الأسقام. ژباړه: پاکه ربه، موږ له برص، ليونتيا او جذام ناروغیو او له هري برې ناروغۍ موږ وساتي.
حسبنا الله و نعم الوکیل، نعم المولی و نعم النصیر

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close