افغانستان

ثبات او همپالنې ټيم: د عبدالله د لوړې مراسم مو د امريکا په غوښتنه وځنډول

نن ټکی اسیا (چهارشنبه، ۷ کب، ۱۳۹۸ل): د عبدالله عبدالله په مشرۍ د ثبات او همپالنې ټاکنيز ټيم وايي، د واليانو ګومارنه او د ولسمشرۍ د لوړې مراسم يې د امريکا د ځانګړي استازي زلمي خلیلزاد په غوښتنه ځنډولي دي.

د ثبات او همپالنې ټاکنيز ټيم يوه غړي فضل احمد معنوي رسنيو ته ويلي، چې افغانستان لپاره د امریکا ځانګړي استازي زلمي خلیلزاد له عبدالله عبدالله سره د ليدو پر مهال له دوی غوښتي، چې د والیانو ګومارنه او د لوړې مراسم د سولې پروسې په موخه وځنډوي.

د ګډ حکومت مشر اشرف غني او عبدالله عبدالله دواړه ځانونه د ولسمشريزو ټاکنو ګټونکي بولي او دواړو د لوړې مراسمو لپاره چمتووالی پيل کړی و، خو د امريکا د بهرنيو چارو وزارت په غوښتنه يې ځنډولي دي.

فضل احمد معنوي زياته کړې، چې دوی د ښاغلي خلیلزاد په غوښتنه د لوړې مراسم ځنډولي او ارګ هم ويلي، چې د لوړې مراسم به نه ترسره کيږي.

د ټاکنو خپلواک کميسيون تېره اونۍ ولسمشريزو ټاکنو د پايلو په اعلان کړې اشرف غني ګټونکی اعلان کړ او د ولسمشرۍ وثیقه يې ورکړه، خو د هغه مخکښ سيال عبدالله عبدالله د پایلو له منلو نټه وکړه او ټينګار يې وکړ، چې دی ولسمشر دی او ټول شموله حکومت د جوړولو اعلان يې وکړ.

اشرف غني او عبدالله دواړو د جلا جلا لوړې مراسمو چمتووالی پيل کړی و او يو شمېر میلمانه يې هم رابللي وو، خو د امريکا د بهرنيو چارو وزارت په غوښتنه يې د لوړې مراسم وځنډول.

د امريکا د بهرنيو چارو وزارت په خپره کړې، ويناپاڼه کې ويلي، سياسي مشران بايد د لوړې مراسم وځنډوي، تر څو د سولې روانو هڅو ته زيان ونه رسيږي او په عين حال کې يې د موازي حکومت له جوړولو سره هم مخالفت ښودلی دی.

امريکا وايي، د افغانستان راتلونکی حکومت دې پراخ بنسټه وي، چې ټولو افغانانو ته په برخه ورکول شي.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عظیمی

خاک به سر شما کاسه لسان غرب و شرق. بګیلان طالبان شود ، تمامی زندګی تان به غلامی و خدمت خارجی ها ګذشت. وقت اوآمر پمپیو رسید همه تان زنګونکیش شدن. اګر غم ملت در کله پوچیتان تان می بود و از سیاست جهانی بوی میبردن هرګز این والای های ماشینی را مقرر نه می کردید. و اداره موازی را اعلان نه می کردید . لعنت ملت را کمایی کردید و قهر ربالعزت بالای تمامی شما منافیقین و وطنفروشان شود.

Back to top button
1
0
Would love your thoughts, please comment.x
()
x
Close
Close