افغانستان

ټیموټي ويکس د موافقتنامې لاسليک په مراسمو کې د ګډون په موخه دوحې ته رسېدلی

نن ټکی اسیا ( پنجشنبه، ۸ کب، ۱۳۹۸ل): له طالبانو سره پخوانی اسير او په کابل کې د امريکايي پوهنتون استاد ټيموټي ويکس په قطر کې د طالبانو او امريکا ترمنځ د افغانستان په اړه د تړون د لاسليک مراسمو لپاره قطر هيواد ته رسېدلي دی.

ټيموټي ويکس ته د دوحې په هوايي ډګر انس حقاني هرکلی ووايه او د افغاني دود سره سم يې د هغه ميلمستيا وکړه.

څو ورځې وړاندې ښاغلي ټيمويټي ويکس په قطر کې د طالبانو او امريکا ترمنځ د توافقنامې د لاسليک په غونډه کې د ګډون هيله څرګنده کړې وه چې په دې مراسمو کې ګډون وکړي او خلکو ته وښايي چې اسلام د امن اوسلامتيا دين دی، چې اوس په دې مراسمو کې د ګډون په موخه دغه هيواد ته تللی دی.

ټيموټي ويکس هم په خپله ټويټر پاڼه ليکلي چې باور نشي کولای چې په قطر کې دی او له انس سره يې وليدل او خبرې يې ورسره وکړې.

نوموړی زياتوي چې خوښ دی چې د امريکا او طالبانو ترمنځ د تړون د لاسليک په مراسمو کې په رسمي توګه ميلمه دی.

په خواله رسنيو کې د انس حقاني او ټيموټي ويکس جوړه انځور ډېر لاس په لاس شو او د خواله رسنيو کاروونکو يې په اړه بېلابېلې تبصرې کړي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x