نړۍ

سوريه: په هوايي برید کې ۳۳ ترکي پوځيان وژل شوي

نن ټکی اسیا (جمعه، ۹ کب، ۱۳۹۸ل): د سوريې په ادلب ښار کې د بشار الاسد رژيم د ځواکونو په هوايي برید کې لږ تر لږه ۳۳ ترکي پوځيان وژل شوي او ۳۶ نور ټپيان دي.

له يادې مرګ ژوبلې وروسته تېره شپه د ترکيې ولسمشر رجب طيب اردوګان بېړنۍ امنيتي ناسته رابللې ده.

ترکي رسنۍ وايي، په دې بېړنۍ ناسته کې د دفاع وزير خلوصي اکار، د بهرنيو چارو وزير مولود چاويش اوغلو، لوی درستيز یشار غولر او د استخباراتو مشر هاکان فيدان په شمول ګڼو لوړپوړو چارواکو ګډون کړی دی.

د ترکيې دفاع وزارت وايي، د خپلو عسکرو له وژل کېدو وروسته يې د بشارالاسد رژيم پر پوځي هدفونو بریدونه پيل کړي دي.

د سوريې عسکر هڅه کوي، چې ادلب ښار د ترکيې له ملاتړو وسله والو ونيسي او په دې بریدونو کې يې ترکي عسکرو ته هم مرګ ژوبله اړولې ده.

امریکا او ناټو د سوريې له حکومت او روسيې غوښتي، چې ادلب کې دې خپل عمليات ودروي او د ترکي ځواکونو په وژنه يې خواشيني ښودلې ده.

د امريکا د بهرنيو چارو وزارت ویلي، واشنګټن په ناټو کې له خپل متحد هېواد ترکيې سره ولاړ دی او پر ترکي پوځيانو شوی برید يې غندلی دی.

بل پلو د ناټو سرمنشي ينس سټولټنبرګ هم پر ترکي پوځيانو شوی برید غندلی او غوښتنه يې کړې، چې د بشارالاسد رژيم او روسيه دې له داسې بریدونو ډډه وکړي.

سټولټنبرګ وايي، روسيه او سوريه دې د نړيوال قانون درناوی وکړي او د تاوتريخوالي له زياتېدو دې لاس واخلي.

د سوريې حکومت تر اوسه په دې اړه رسنيو ته څه نه دي ويلي.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
مجاهد

اردګان په یوه مخ د ناتو او امریکا ( دجال ) یا شیطان سره عملی بڼه کی ملګری او له بلی خوا په منافقانه دول کله د اسراییلو او کله د امریکا ښکته وایی په داسی حال کی چه د هغو بدو ویلو ورته امریکا او ناتو اچازه ورکړی وی یعنی اردګان هم د الله ج او هم د شیطان زړه ساتی

غ.حضرت

په لوبو کی حتماً بنګړی ماتیږی خصوصاً چی لوبی بېله نکاح تر سره سی.
ترکئې په خطرناکو لوبو ګوتی پوری کړی دی چی هیله ده نه د هغوی ګوتی غوڅ سی او نه ئې د حریفانو او رقیبانو ګوتی غوڅی سی.

Back to top button
2
0
Would love your thoughts, please comment.x
()
x