افغانستانسولې اړوند خبرونه

ټرمپ: له ملا برادر سره مې اوږدې او ګټورې تلیفوني خبرې درلودې

نن ټکی اسیا (چهارشنبه، ۱۴ کب، ۱۳۹۸ل): د امریکا د متحده ایالاتو ولسمشر «ډونالډ ټرمپ» وایي، د طالبانو د سیاسي دفتر له مشر «ملا عبدالغني برادر سره یې اوږدې او ګټورې تلیفونې خبرې کړې.

ټرمپ په واشنګټن کې له خبریالانو سره دخبرو په مهال ویلي « د طالبانو له مشر سره مې اوږدې او ګټورې خبرې درلودې، موږ پرېکړه کړې، چې تشدد ته نه ووایو، موږ تشدد نه غواړو وبه وینو چې وړاندې څه پېښېږي، د طالبانو له مشر سره خبرې ګټورې وې.»

د ملا برادر اخند او ټرمپ تر منځ د تلیفوني مکالمې خبر د طالبانو ویاند «ذبیح الله مجاهد» ورکړ، نوموړي یاده کړه، چې تېره ورځ ماځیګر د طالبانو د مذاکراتي ټیم د یو شمېر غړو او خلیلزاد په موجودیت کې دواړو لورو نږدې ۳۵ دقیقې اوږدې خبرې وکړې.

د طالبانو د ویاند له قوله، ملا برادر اخند ټرمپ ته وویل «زه د افغانستان د اسلامي امارت  او افغان ولس په نمایندګي په پوره باور سره ویلای شم چې که  د امریکا متحده ایالات له موږ سره په شوې توافقنامه عمل وکړي نو په راتلونکي کې به مثبتي دوه اړخیزي  اړیکي ولرو.»

ددې تر څنګ ملا برادر اخند د طالبانو او امریکا تر منځ د شوې هوکړې د عملي کېدو په لاره کې د پرتو خنډونو د لیرې کولو غوښتنه کړې، د اسلامي نظام حاکمیت یې د افغان ولس حق بللی او ټرمپ ته یې ټینګار کړی، چې څوک یې باید په اوږده جکړه کې ښکېل نکړي.

د نوموړي د څرګندونو  په غبرګون کې «ټرمپ» طالبان کلک خلګ بللي او له افغانستان څخه د بهرنیو ځواکونو وتل یې، د ټولو په ګته بللي.

د ټرمپ په خبره، د بهرنیو چارو وزیر به یې له اشرف غني سره خبرې وکړي او د بین الافغاني مذاکراتو په لار کې پراته خنډونه به لرې کړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x