شعـــــرونه

د عبدالباري جهانی نوی شعر

عبدالباري جهاني

شپې په لار کې سپينوم رويبار به راسي
يوه ورځ به ګوندې ژغ د مسيحا سي

هره شپه يې د راتللو زېری اورم
هره ورځ مې هوسونه نيمه خوا سي

خپل جنون مې په قولونو غولومه
وايم نن به مې قسمت بېرته پخلاسي

د ماشوم په څېر هندارې ته خندېژم
وايم اوس به مې همزولي خوا په خوا سي

دا یوه لمبه دنيا ته وه راغلې
چې نصيب په کوه طور کې د موسی سي

لکه ورځې په خپل عمر کې بهيژم
سمندر ته مې دی مخ ژوند ته مې شاه سي

د يادونو پر ګريوان مې اوشکې اوري
چې راياده د بيلتون د شپې ژړا سي

هغه ورځ دې د وفا سترګې ورواوړي
ستا په مينه چې پر دار باندې رسوا سي

جهاني يم که رخصت سوم بيا به نه يم
خدای خبر که بيا به بل دلته پيدا سي

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x