نظــر

داعش ته په ماتې ورکولو سره اسلامي امارت څه ترلاسه کړل؟!

م. جمیل باور

هغه مهال چې د امريکا استخباراتي ادارې سي ای اې په سوريه او عراق کې د داعش فتنه راولاړه کړه او په پراخه کچه يې رسنيز پوښښ ورکړ؛ نو ځینو صادقو مسلمانانو پرې زړونه وبايلل؛ خو له څه وخت تېرېدو وروسته يې په افغانستان او نړۍ کې هغه ناخوالې او نادودې پيل کړې چې قلم يې د ليکلو توان نه لري.

کله چې داعش په افغانستان کې خپل ناولی وجود اعلان کړ، د” اسلامي امارت مشرتابه یې پر وړاندې په پوره بصيرت او ځېرکتيا سره د زغم او حوصلې دريځ وښود او ددې ډلې د بنسټ معلومولو په پار يې څېړنې پيل کړې؛ خو کله يې چې ددې ډلې له لوري پر عام اولس ظلمونه او وحشتونه وليدل؛ نو خپلو نظامي قطعاتو ته یې پر داعشي ملېشو د پرېکنده بريدونو سپارښتنه وکړه.

لله الحمد ددې برياليو عملياتو په پايله کې د روان هجري شمسي کال پيل کې د هيواد له ختيځ ننګرهار ولايت څخه د دغو وحشيانو ټغر ټول شو او کوم خلک چې له سيمې څخه ښارونو او نورو ځايونو ته کوچېدلی وو، اوس دا دی د اسلامي امارت د بسياري قربانيو له برکته په خپلو سيمو کې په پوره ډاډ ژوند تېروي.

اسلامي امارت د افغانستان په ختيځ کې پروت ننګرهار ولايت کې له داعشي ملېشو څخه د خوګياڼيو ټولې ولسوالۍ، ده بالا، اچين، چپرهار او نورې ولسوالۍ او عموماً ټول ختيځ پاک کړ او له منځه يې يووړل. له ماتې وروسته دغه داعشي ملېشې يې ځينې کابل ادارې ته تسليم شول؛ او ځينې يې بيا د کونړ غرنيو سيمو ته وتښتېدل.

که څه هم کونړ کې تېر کال هم د داعشيانو پر وړاندې د اسلامي امارت عمليات پيل شوي وو، خو د ذبيح الله مجاهد صاحب په وينا هغه وخت د سختې يخنۍ او د ژمني موسم په رارسېدو سره ودرېدل؛ مګر سږ کال د روانې عيسوي مياشتې “مارچ” له لومړۍ نېټې څخه يو ځل بيا د اسلامي امارت سرسپارلو قطعاتو په داعشيانو باندې کارنده بريدونه پيل کړي او دا دی تېره ورځ پای ته ورسېدل چې په ترڅ کې يې سلګونه داعشيان وژل شوي، زيات شمېر نور اسلامي امارت ته تسلیم شوي او ځینې يې بيا کابل ادارې ته تښتېدلي.

ښه به وي چې په لاندې کرښو کې په لنډ ډول هغه موخې او اهداف په ګوته کړو، چې اسلامي امارت د داعشيانو په له منځه وړلو سره لاسته راوړل:

۱ــــ ټولې نړۍ ته معلومه شوه، امریکا د داعشي ملېشو له منځته راوړلو او جوړولو څخه په هغو اسلامي ممالکو کې چې مجاهدين د امريکا اهداف په نښه کوي او امريکايان ورڅخه په اسلامي ممالکو کې د ارام ساه نشي اخيستلای؛ د دغو ازادي خواهانو مجاهدينو له منځه وړل ؤ، امريکا په خپل فکر داسې انګېرله چې ګواکې له داعشي خوارجو سره به په اسلامي ممالکو کې اکثريت مسلمانان بيعت وکړي او په دې سره به ځايي مجاهدين په خلکو کې منفور شي چې دا نو د امريکا تر ټولو ستر هدف ؤ خو لله الحمد اسلامي امارت نه يوازې په افغانستان کې د داعشيانو د ماتې په واسطه، بلکې په ټوله نړۍ د مسلمانانو اتحاد او اتفاق وساته او داعشي فتنه يې له منځه يووړه.

۲ـــ امريکا غوښتل د داعشيانو په رامنځه کولو سره په مسلمانانو کې د اسلامي خلافت، امير المؤمنين، بيعت، شرعي حدودو او نور مقدس نومونه داسې منفور کړي چې راتلونکی اسلامي نسل – خدای مه کړه- له دغو نومونو څخه کرکه او نفرت وکړي؛ د همدې لپاره يې داعشيانو ته دنده ورکړه چې سپين ږيري په بمونو کېنوي، مسلمانان وځوروي او په زور باج ترې واخلي؛ خو لله الحمد اسلامي امارت داعش ته په ماتې سره د سي ای اې دغه ټولې هيلې له خاورو سره خاورې کړې.

۳ـــ د داعشيانو تر رامنځته کېدو وروسته په اسلامي سيمو خصوصاً سوريه کې د نورو کفري هېوادونو داخله هم د امريکا له سترو اهدافو څخه وه، د بېلګې په توګه په سوريه کې د روسي پوځ مستقيمه مداخله د امريکا د دغو اهدفو له جملې څخه ستر هدف دی، د همدې هدف لپاره يې په افغانستان کې هم خپله دغه استخباراتي پروژه عملي کول غوښتل، مګر اسلامي امارت داعشي ملېشو ته په ماتې ورکولو سره وکولای شول چې سيمييز هېوادونه، په ځانګړي ډول روسيه، په دې قانع کړي چې امارت نه پرېږدي تر څو د افغانستان خاوره د بل چا په خلاف استعمال شي.

۴ـــ کله چې داعشيان رامنځته شول او ځينې مرموز او پر عوامو باندې بريدونه يې هم په خپلو نومونو ته په منسوبو رسنيو کې په غاړه واخيستل، له دغه ډول حالاتو څخه امريکا غوښتل، افغانستان نړيوالو ته داسې معرفي کړي، چې ګواکې دلته ډېرې ډلې په جګړه بوختې دي، نو امريکا به په داسې حال کې له کومې ډلې سره مذاکرات وکړي؟ او له کومې ډلې سره به د سولې تړون لاسليک کړي؟
خو لله الحمد اسلامي امارت د داعشي فتنې په ختمولو سره امريکا او نړيوالو ته ثابته کړه چې په افغانستان کې د امريکا په خلاف د ازادۍ جهاد او جګړه يوازې او يوازې افغان ولس د اسلامي امارت تر قيادت لاندې پر مخ بيايي.

۵ـــ دغه شان د دغې فتنه ګرې ډلې له رامنځه څخه امریکا هدف درلود چې د مسلمانانو تر منځ مذهبي اختلاف په ځانګړي ډول د سني، شيعه، وهابي، اهل حديث او نورو نومونو باندې ژور اختلافات پيدا کړي او دغه اختلافات چې وروسته په ټول عالم اسلام کې په خپل منځي جنګ او جګړو بدلېدل؛ که څه هم څه موده همداسې وشول، خو اسلامي امارت په افغانستان، سيمه او نړۍ کې د داعشي ملېشو په لمنځه وړلو سره دامريکا دغه دسيسه هم شنډه کړه.

بايد يادونه وشي چې اسلامي امارت د داعشي فتنې په له منځه وړلو سره د مسلمانانو او خصوصاً د افغانانو لپاره ډېر زيات اهداف او موخې تر لاسه کړې، چې دلته يې په يوه مقاله کې ځايول محال دي.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
اجمل

اوس چی د کافرو کمک در ورسیدو ماته مو ورکړه، ولی مو دوه کاله مخکی ماته نشوای ورکولای؟ خو بیا هم آینده ته به ګورو کچیری ژوند وه چی څه کیږی.

احمد

باور صاحب سلامونه مي ومنه په نورو مو هم سر خلاص كړ‎ه ډیره په زړ‎ه پوری لیکنه ده

Back to top button
2
0
Would love your thoughts, please comment.x
()
x