شعـــــرونه

خاونده؛ الفت جان

الفت جان

قبول مو د تڼاکو پښو مزلونه کړه خاونده
پوره مو د زړګي ټول ارمانونه کړه خاونده

په مینه محبت مو د کوثر په سپینه څنډه
نصیب مو د جانان د لاس جامونه کړه خاونده

کوم چا چې ستا لپاره د زړه وینه نذرانه کړه
پر ګور یې ستا درحم بارانونه کړه خاونده

موږ ساته ستا په فضل د پتنو په دنیاګۍ کې
قوي مو په زړګي کې ایمانونه کړه خاونده

د چا چې ګل ځواني دجهاد لاره کې قربان شوه
په برخه یې جنت کې نعمتونه کړه خاونده

د امن امن شپې مو د مظلوم هیواد نصیب کړي
ترې ختم د ظالمو تور پوځونه کړه خاونده

د لپو په کچکول کې خوار الفت دغه دعا کړم
راستون له تور زندانه ګلابونه کړه خاونده
ـــــــــــــــــ
الفت جان

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x