افغانستانسولې اړوند خبرونه

عبدالله عبدالله: خلګ له جګړې ستړې دي، د سولې په لاره کې هر ډول قربانۍ ته چمتو یو

نن ټکی اسیا (جمعه، ۱وری، ۱۳۹۹ل): د ګډ حکومت پخوانی اجرائیه رییس «عبدالله عبدالله» چې ځان اوس د همه شموله حکومت ولسمشر بولي، د نوي کال په مناسبت خپاره کړي پیغام کي سوله د افغانانو لومړنۍ اړتیا بللې او ژمنه یې کړې، په دې لاره کې به له هيڅ ډول هڅو دریغ نه کوي.

د سپېدار ماڼۍ له لوري په خپاره شوي پيغام کې خلګو ته د نوي کال مبارکي ویل شوي او تر څنګ یې یاده شوې « خلګ له جګړې ستړي دي، موږ ددې ارمان د تحقق او د سولې پروسې د بریالیتوب په لاره کې هيڅ ډول هڅې نه سپموو او په دې لاره کې ځان تېرېدنې او قربانۍ ته تیار یو.»

پیغام کې وړاندې د عبدالله عبدالله له خولې راغلي دي، چې دوی به د سولې په پروسه کې د «ملت» له غوښتنو او حقونو دفاع کوي او د ملت له ارادې سره سم چلند به کوي.

د عبدالله په خبره،  لکه څنګه چې په ټاکنو کې د خلګو  له ارادې سره سم ودرېد، همداسې به په سوله کې هم ودرېږي.

عبدالله عبدالله داسې مهال د سولې په برخه کې د هر ډول قربانۍ ورکولو ژمنه کوي، چې په کابل کې د نوموړي او اشرف غني تر منځ ژورو اختلافاتو د بین الافغاني مذاکراتو پروسه له پيل وړاندې له خنډونو سره مخ کړې.

که څه هم د افغان سولې لپاره د امریکا ځانګړي استازي «زلمي خلیلزاد» ددی دواړو د قانع کولو په لاره کې هڅې کړې، خو ویل کېږي لا یې هم کومه مثبته پایله نه ده ورکړې.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
Adam Khan

This conflict between AIN and GHAIN could be a trick to trap Taliban.

غ.حضرت

ته به له جنګه ستړی ئې عبدولاجانه چی پزه دی بېځایه را بهېدلې ده ، د لندن او لاهور جنرالان او عسکر خو نه دی ستړی.

Back to top button
2
0
ستاسو نظر مونږ ته دقدر وړ دی، راسره شریک یې کړئx
()
x