دیني، سیرت او تاریخ

ویروس د الله «جل جلاله» له مخلوقاتو څخه یو مخلوق دی

احمد الله عاطفي

هر رنګه ویروس، میکروب، ناروغۍ، مرګ، ژوند او هر څه چې لیدل کیږي که هغه په عادي حالاتو کې وي یا عادي او قوي میکرسکوبونو او تیلسکوبونو په مټ او یا دا چې د هغو لیدل ممکن نه وي خو د هغو د وجود خبر قرآنکریم او نبوي احادیثو کې ورکړل شوی وي، ټول د الله «جله جلاله» مخلوقات دي او دا موجود دي، یواځي د الله سبحانه وتعالی د آمر او ارادې تابع دي، د الله سبحانه وتعالی د مخلوقاتو داسي لښکرې دي چې له هغه پرته بل چاته يې نه شمیر معلوم دی او نه اندازه.

قال الله تبارک وتعالی:…وَمَا يَعْلَمُ جُنُودَ رَبِّكَ إِلَّا هُوَ ۚ وَمَا هِيَ إِلَّا ذِكْرَىٰ لِلْبَشَرِ.(المدثر:۳۱)
ژباړه: او ستا د رب په لښکرو له ده پرته هیڅوک نه پوهیږ او دا نه ده مګر د انسان لپاره یوه یادونه ده.

د (جّنِوٌدٍ) نه معنی د الله سبحانه وتعالی لښکرو ته اشاره ده چي د هغو شمیر پرته له الله سبحانه وتعالی نه بل هیچا ته نه دی معلوم او دا هر لښکر په یو ډول نه یو ډول مسلح دي که هغه په حملو وي، دفاع او ذکر، که څه هم زیاتره مفسرین له دې نه د ملایکو لښکر ښيي، رښتیا هم چې د ملائکو لښکرې بې شمیره دي، په اسمانو کې داسي ځای نشته چې هلته ملائک سر په سجده نه وي ایښی او که په اسانه حساب وکړو په دنیا کې د هر بده سره په اړیکه بې شمیره ملائک دي.

د بیلګې په توګه شپه او ورځ څلور ملائکې کرام الکاتبین، محافظین، او همدا راز د روایاتو په بنأ هر بنده سره په شپه او ورځ کې شل ملائکي توظیف او خپلې دندې تر سره کوي، لس د وروځي او لس د شپې، چې مؤظف شمیر ئې شل ملائکې کیږي، سر بیره پردې د ذکر، خیر او دعوت مجالسو ته بې شمیره ملائک راځي او حلقې جوړوي چې دا حلقې تر اسمانه غځیږي او ټول د خیر دعا کوي.

د دوی شمیر یواځي الله ته معلومیږي، په دې اساس چې د ځمکې نه تر اسمانه څومره فاصله او واټن دی او د دوی د حلقو جوړولو قطار څومره اوږد دی، همدا راز د یو بنده  او یا ساکښ د روح قبضولو لپاره څومره ملائکې پوښتل کیږي او په دې اړوند په جریان کې وي.

د بې شمیره ملائکو له لښکرو سر بیره ټول علل او اسباب چې په دې سترو کایناتو کې موجود دي د الله سبحانه وتعالی په لښکرو کې راځي او دا ټول د هغه د فرمان او حکم تابع دي، ویروس هم د الله سبحانه وتعالی د لښکرو نه یو لښکر دی، داسې یو لښکر چې ذره بیني مخلوق دی، خو په تمامه معنی مسلح، د دفاع او حملې صلاحیت لري، په ډیر مهارت او چالاکي خپل هدف ته ځان رسوي، تولد او تکثر کوي او له شمیر ئې هم بندګان عاجز دي.

په وسلو او حتی په ذروي وسلو ئې مخه نه شي تمیدی، تر هغه وخت به فعالیت کوي تر کومې چې الله سبحانه وتعالی اراده وي، کله چې الله سبحانه وتعالی وغواړي بیا به همدا انسان د دې توان او قوت پیداکړي چې مهار ئې کړي.

د مريي او نامريي مخلوقاتو موجودیت:

هر هغه مخلوق چې لیدل کیږی او یا په عادي حالاتو کې نه لیدل کیږي، دا ټول موجود دي که هغه لیدل کیږي، محسوسیږي او یا اغیزه ئې په یو نه یو ډول څرګندیږي.
دا چې ویل کیږي دا ویروس فلان او یا فلان هیواد جوړ کړی، دا حقیقت نه لري بلکه دا مخلوق موجود و او دی.

له دې هم سترګې نه شي پټېدی چې ممکن موجود ویروس ئې د یورانیمو غوندې غني کړي وي او بیا ئې پر انسانانو د حملې لپاره چمتو کړي وي، چې اوس چین او امریکا سره ناندرې وهي او پړه ئې یو په بل اچوي او حتی ویل کیږي چې دا د بیلوژیکي جګړې د قوت مظاهره ده او یا اشتباهاً همدا ذروي مخلوق د پرمختللو محفوظو لابراتوارونو له مهاره خارج شوی، چې اوس د انسان له واکه بهر خطرناکه فعالیت کوي، څوک ئې مخه نه شي نیولی، تر هغه چې مؤثر تدارک ئې وشي. ( والله اعلم)

د مريې او نامريې مخلوقاتو د وجود څرګند حقیقت
د مخلوقاتو د وجود، نه، انکار کیدونکې بیلګه:

د امریکا لویه وچه (براعظم)له خلقت نه موجوده وه او حتی دلته په ملیونونو انسانانو ژوند درلود، نور نړیوال ترې خبر نه و تر هغه چې دا یو چینايي مسلمان(امیرال) په (۱۱۷۸) یوزر یوسل اته اویاووم زیږدیز کال کې ومونده(کشف کړه).

که څه هم چې دا کشف دومره مشهور نه شو څومره چې (کریستوفر کولمبوس) په (۱۴۹۲) یو زر څلورسوه دوه نوییم  زیږ دیز کال کې  د کشف یا میندلو ادعا وکړه.

د (کریستوفر کولمبوس) اصلي تابعت هم جنجالي دی، څوک ئې ایټالوي بولي او څوک ئې هسپانوي،خو زیات شواهد او د رسمز دندو او سوداګري نه یې څرګندیږي چې دۀ خپله هسپانوی شهرت درلود.

د نوموړي نوم هم له جنجاله خالي نه دی،اصلي نوم ئې (جان کولون ) و چې ده خپله د کرستوفر کولمبوس نوم غوره کړ.

دی بې سواده و، وروسته له ۲۴ کلنۍ ئې لیک او لوست ته مخه وکړه چې کشتۍ چلونکی شي.

د ژوند له اقتدار لرونکو دندو سره سره د عمر په وروستیو کې له دندې ګوښه او د ورونو سره زنداني شو.

اروپایان ئې اتل بولي ،د امریکا اصلي اوسیدونکي ئې د لسهاوو ملیونو بومیانو قاتل او د امریکا د استعمار عامل بولي.

د کولمبوس ژوند چې څنګه سر ګردانه و همداسي وروسته له مرګه جسد ئې هم سر ګردان و،دی په(۱۵۰۶) زیږدیزکال د می په شلمه مړ شو، ده وصیت کړی و چې مړی په امریکا کې ښخ شي، د وصیت برخلاف جسد ئې د هسپانیا په ولا د ولید ښار کې خاورو ته وسپارل شو، خو دلته پاتې نشو تر هغه چې د ده مړی درې ځله وویستل شو، انتقال او ښخ شو.

همدا راز عناصر موجود و ، په اول ځل یو الماني ساینس پوه(یوهان ولفگانگ) دویم ځل انګلیس ساینس پوه(  نیولندز) د کشف او دبریښنائې مدارونو خبره وکړه ،چې حتی دځینو دتمسخر سره مخ هم شو،چې بلاخره یو شمیر عناصر او برقي مدارونو جدول ئې تقریباً په یو وخت کې الماني ساینس پوه(مایار او روسي ساینس پوه (مندلیب) تر تیب او خوندي کړل.

لکه څنګه چې د بحري حیواناتو په پیژندلو کې زمونږ علم ډیر کم دی په سلو کې په لسمه برخه ئې هم علم نه دی تر لاسه شوی، همداسي د وچې په مخلوقاتو، پاتي شو دزمکې لاندي ، فضا او له بره مخلوقاتو، نه په بشپړه توګه خبر یو او نه به کله هم خبر شو تر کومې چې الله سبحانه وتعالی اراده وي.

همداسي ویروسونه او مکروبونه له پخوا موجود دي، پخوا به ئې هم حملې او وژنې درلودې، تاریخ د داسي ویروسي حملو ګواهي ورکوي چې په بیلا بیلو سیمو او وختوکې ډیری انسانان  او حیوانات وژلي.

پخوا هم داسي ناروغیو ته نوم ورکول کیده ،خو دومره شهرت ئې نه مینده ، اوس وخت د ذروي مخلوقاتو پیژندل او دهغه دفعالیت اندازه او وزن پوهیدوکې پرمخ تګ شوی، تحقیق او زیاتو لاس ته راوړنو په هڅه کې په هره برخه کې فعالیت او علمي پلټنې رواني دي.

په اخره کې دعا کوو …
اللهم إني أعوذ بك من البرص والجنون والجذام وسيء الأسقام.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x