شعـــــرونه

غزل/ صابر جان محصل

صابر جان محصل

دلبر مې په جهان کې له هيچا څخه نه غواړم
مرام د زړه مې شپو کې له سبا څخه نه غواړم

عابد د سومنات چې له ډبرې خير غواړي
نو څنګه به يې زه له  کبريا  څخه  نه غواړم ؟

قانون د مينې دادى چې په اور کې سوځيدل دي
د شمعې په طواف کې يې رڼا څخه نه غواړم

د حسن انوارونو کې دې پټ منور وينم
دا کيف به زه هيڅکله له بل چا څخه نه غواړم

د طور په هسکه څوکه کې شغلې د حسن ښکاري
دا نور به زه مجنون بيا له صحرا څخه نه غواړم

نعره د انا الحق کې د منصور پټ وو رازونه
د راز په معنا پوهه له قضا څخه نه غواړم

د مينې امتحان کې يې کامياب له ربه غواړم
صابر زړه ته صحت مې له دوا څخه نه غواړم

 

ټاګونه

ورته لیکنې

avatar
  ګډون وکړئ  
خبرتیا غوښتل د
Back to top button
Close
Close