ورزش

کرونا ویروس: جاپان کې اولمپیک سیالۍ راتلونکي کال ته وځنډیدې

نن ټکی اسیا (سه شنبه، ۵ وری، ۱۳۹۹ل): د اولمپیک سیالیو کمیټې د جاپان حکومت سره له سلا مشورو وروسته د روان ۲۰۲۰م کال اولمپیک سیالۍ راتلونکې کال ته د ځنډولو پریکړه کړې ده.

د اولمپیک نړیواله کمېټه وایي چې دغه لوبې به د راتلونکي ۲۰۲۱م کال اوړي کې ترسره شي، خو نوم به یې د ۲۰۲۰م اولمپیک وي.

ټاکل شوې وې چې دغه سیالۍ به د روان ۲۰۲۰م کال جولایي میاشتې په ۲۴مه نېټه د جاپان په پلازمینه ټوکیو کې پېل شي، خو د کرونا ویروس د خپریدو مخنیوي په خاطر راتلونکي کال ته وځنډول شوې.

دغه سیالۍ د ټوکیو د اولمپیک سیالیو لوبغاړو، سپانسرانو، د لوبو خپروونکو تلویزوني شرکتونو او د نړۍ ګڼ شمېر ملي اولمپیک کمیټو په غوښتنه وځنډیدې چې اصلي لامل یې د کرونا ویروس خپریدل او د نندارچیانو نه شتون و.

جاپان پر اولمپیک سیالیو په جوړولو نږدې ۱۳ ملیارده ډالر لګولي خو د جاپان ملي ارزوني هیئت دغه لګښت څه د پاسه دوه چنده ښودلی او زیاتوي چې د لوبو د ځنډولو په حال کې به دغه لګښت له دې هم زیات شي.

د یادونې ده چې د کرونا نړیوالې وبا نه یوازې د ټوکیو اولمپیک سترې سیالۍ وځنډولې بلکې د فوټبال، کرکټ او بېلا بېلې سپورتي نړیوالې او تجارتي سیالۍ ځنډولي دي چې په دې لړ کې ملیاردونه ډالر زیان اوښتی دی.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close