شعـــــرونه

ازمون/ سمیع الدین افغاني

سمیع الدین افغاني

څه رنګینه شان موقعه ده
د تـاریخ حساس شیبه ده

سرنوشت پــــه بله کیږي
د افغان د ژوند کیسه ده

زما ، ستا چې د لسیزو
د حالاتـو نــــه ګیله ده

اوس راپاڅه لاس په کار شه
چې د مرګ او ژوند صفحه ده

ښه یې وینو چې ډوبیږو
لا هم وینه مـو سړه ده

د افغان نسل ورکیـــږي
ترېنــــه پاتې قافله ده

نن د وخت بدنام سالار بیا
د ولس په سره دعوه ده

سره یو شئ چې ورکیږو
د غلیم سره مـو شپه ده

شهامت مونږ ته پکار دی
څه ویرجنه سلسله ده؟

سرنوشت مو خپل په لاس کړئ
د پردو نــــه څــــه ګیله ده

که یو نه شو نو ورکیږو
پکار عــــزم اراده ده

اوس لا هم زمونږ د نیکونو
لــــوټه شوی حماسه ده

پوه رهبر درول غــــواړو
دا مــــو عــــزم اراده ده

افغاني په دې موقعه کې
د یووالــــي لار کــــره ده
————————

ټاګونه

ورته لیکنې

avatar
  ګډون وکړئ  
خبرتیا غوښتل د
Back to top button
Close
Close