افغانستانسولې اړوند خبرونه

خلیلزاد: د بین الافغاني مذاکراتو لپاره د کابل ټاکل شوی ټیم «ټولشموله» او «جامع» دی

نن ټکی اسيا (جمعه، ۸ وری، ۱۳۹۹ل): د افغانستان د سولې لپاره د امریکا د متحده ایالاتو ځانګړي استازي «زلمي خلیلزاد» د کابل له لوري د بین الافغاني مذاکراتي ټيم له تشکیل هرکلی کړی.

خلیلزاد په همدې تړاو په خپل ټویټر لیکلي «غواړم چې افغان حکومت او د سیاسي او مدني ټولنې مشرانو ته د سره راټولیدلو مبارکي ورکړم. دوی له طالبانو سره د خبرو لپاره یوه ټولشموله مذاکراتي ډله جوړه کړې ده. د اسلامي جمهوریت پلاوی د ولس د رښتیني انځور او د ښځو د رغنده ونډې څرګنداوی کوي.»

نوموړي زیاته کړې «دغه اجماع، یو با مفهومه ګام دی چې خواوې د بین الافغاني مذاکراتو لور ته ډیر نږدې کوي.»

خلیلزاد داسې مهال د کابل مذاکراتي ټیم ټولشموله بولي او هرکلی ترې کوي، چې په کابل کې زیاتره سیاسي ګوندونو دا پلاوی رد کړی او یاده کړې یې ده، چې دا ټیم له طالبانو سره د خبرو وړتیا نه لري.

له دې سره، سره د بین الافغاني مذاکراتو په ټيم کې راټول شوي یو شمېر غړي هم مني، چې ټیم په تول پوره نه دی او حتی له دوی سره له مشورې پرته دوی دې ټیم ته داخل شوي.

د کابل مذاکراتي ټیم یوویشت غړي لري او د ملي امنیت د پخواني مشر «معصوم ستانکزي» په رهبرۍ تیار شوی.

په دغه ټیم کې په معصوم ستانکزي سربېره د د جنرال دوستم زوی باتور دوستم، د عطاء محمد نور زوی خالد نور، فاطمه ګیلاني، فوزیه کوفي، حبیبه سرابي، ذکیه وردګ، شهلا فرید، محمد ناطقي، نادر نادري، عبدالمتین بیګ، شریفه زرمتۍ، رسول طالب، ایوب انصاري، کلیم الله نقیبي، امین احمدي، عبدالهادي ارغندیوال، عنایت الله بلیغ، حفیظ منصور، غلام فاروق مجروح، ضرار احمد مقبل، امین احمدي او غیرت بهیر پکې شامل دي.

ورته لیکنې

ګډون وکړئ
خبرتیا غوښتل د
guest
6 Comments
زړو
نویو ډیرو خوښو شویو
Inline Feedbacks
ټولې تبصرې کتل
غمی.پښتین

جوړ تازه.
د بین الافغانی مذاکراتو ټیم په څه باندی مذاکره کوی؟
اشرف غنی له تخت لیری کوی؟ملا ستانکزی راوالی؟
طالیبان ټوپک غورزوی دولت سره یو ځای کیږی؟
زه خو نه پوهیږم .یا کیدای شی زما سر کرونا ګرزولی وی،څوک شته لږ تبصره په وکړی؟
چه دا مذاکراتی ټیم چه سره ټول شی ،بیا به یی څوک خبره ومنی کنه؟

مجاهد

مسلمانو او خپلواکو افغانانو سره په دی اړه : لکه چه ځینی وایی د هیواد ستونزی داخلی او خارجی بعدونه لری. خارجی بعد له مخی: وایی چه نړی یو قطبه شوی څه ماهیت لری ؟ یعنی پخوا متعدد استعماری قدرتونه د روس او امریکا په دوه استعماری قدرتو او هغه هم د نظم نوین جهانی په واسطه به یوه نړیوال استعماری قدرت بدل شو. دموکراسی یی نړیوال دین او نظام، حکومتی تشکل یی سکولریزم ، قومونه په ګوندونو او ایزمونو بدل کړل. ماسونیزم نړیوال ګوند چه د نړی ټول غلامان او باداران یی غړیتوب لری. د همدی ګوند به مټ… نور لوستل »

احمدشاه

أنشالله

محمد

آيا په رختيا كورونا وايروس همدومره هلاكونكي ده سومره چ ورته اشتهارات كيژي؟ كه مونگ تر اوسه پوري د كورونا ويروس له امله د مريني كچه وگورو چ تقريبا دري مياشت يي له خكاره كيدلو پوره كيژي نو ددنيا په لر او بر كي ايله سلور زره كسان وژلي دي او تر يو لكو پوري انسانان پدي ويروس اخته شوي چ تر نيمايي پوري بيرته روغ شوي هم دي نو اوس كه مونگ ددي مقابل كي د نورو مصيبتونو په سبب چ كوم هلاكتونه رامنزته كيژي د هغه اندازه وگورو نو په زرگونو چنده زياته ده چ د مثال په… نور لوستل »

الحاج استاذ بیانزی

درنو مسلمانو ورونو د[ اسلام ملت واحد او کفر ملت واحد ] د قارمول له مخی هغوی چه د کفارو د ګټو د پاره د کفارو سره ملتیا لری او له دی لیاری میلونر او بیلونر شوی هغوی هم کافر دی. خلیلزاد، غنی، کرزی، نجیب، امین او داسی نورو په اسلامی نومونو مه خطا وځی چه مسلمانان دی. کفر کومو کنځلو ته نه وایی او نه د وینی په اساس یو قوم دی یعنی کفر د یهودو به شان د یوځانګړی قوم نوم دی . کفر حق پټونی ته وایی، دا حق پټونه که په لویه کچه وی لوی کافر… نور لوستل »

محمد

غمي پشتين گپ از اين قرار است كه دل بيقرار است .
بصر دا ويني چ حكومتدار غواري طالبانو ته په نظام كي تر يو وخته غوخينه ونده وركي پدي شرط چ وسله وغورزوي اما د طالبانى خوخه داده چ نظام ددوي خپل نوي كيژدي خو حكومت والا اونورو سياسونو ته هم پكي لگه ونده وركي يا كم از كم ورته په امن ساتلو ورانديز ولري تر نظر شاته نوري خبري به هم وي زما نظر همدومره كفايت كوي

Back to top button
6
0
Would love your thoughts, please comment.x
()
x