افغانستانسولې اړوند خبرونه

سولې چارو وزارت: په بین الافغاني مذاکراتو کې یوازې طالبان او «د افغانستان اسلامي جمهوریت» مخ کېږي

نن ټکی اسيا (شنبه، ۹وری، ۱۳۹۹ل): وروسته له هغه، چې طالبانو د ارګ له لوري ټاکل شوی بین الافغاني مذاکراتي ټیم رد کړ او د یوه ټول شموله پلاوي  د تشکیل غوښتنه یې وکړه، د سولې په چارو کې د دولت وزارت دا څرګندونې رد کړې او په خبره یې، له طالبانو سره په مذاکراتو کې یوازې د «افغانستان اسلامي جمهوریت» مخ دی.

د سولې په چارو کې د دولت وزارت ویاندې «ناجیه انوري»  په همدې تړاو په خپل ټویټر لیکلي «د افغانستان اسلامي جمهوریت مذاکره​​​کوونکی پلاوی د ټولنې له مطرح او اغېزناکو پاړکو سره, تر پراخو سلا مشورو وروسته ټاکل شوی دی او د خلکو ونډه او د پلاوي ټول‌شمول​والی له افغان دولت سره تړاو لري نه له طالبانو سره.»

د ناجیې په خبره، طالبان په بین الافغاني مذاکراتو کې یوازې « د افغانستان له اسلامي جمهوریت» سره مخ دي، نو ځکه به پلاوی هم د حکومت له لوري ورته ټاکل کېږي «د طالبانو جګړه له دولت سره ده او دا پلاوی دولت تنظیم او اعلان کړی دی. د مذاکرې د مقابل لوري په چارو کې مداخله غير اصولي او له تمې لرې ده.»

سولې چارو وزارت وروسته له هغه بین الافغاني مذاکرات د طالبانو او حکومت تر منځ بولي، چې طالبانو نن د حکومت له لوري جوړ شوی مذاکراتي ټيم رد کړ او یاده یې کړه، چې جوړ شوی ټیم ټولشموله نه دی.

د طالبانو له قوله، دوی له حکومت سره د «حکومت» په حیث خبرې نه کوي او له یوه داسې ټیم سره خبرو ته تیار دي، چې د ټولو افغان لورو استازیتوب وکړای شي.

ټاګونه

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
عبدالمالک همت

دا خو ښه وايي تاسي دا نور پالتو حوالداران ـ چي عجيبه ښه خالي سدرئ سوي او بې واکه سوي دي او زياتره يې زموږ د هيواد او خلکو داخلي شعوري او تخريبکار دښمنان دي – څه کوئ چي په لوی لاس يې په دې مهمه ربړه کي درګډوئ او دې غلو او ملي خاينينو ته په راتلونکې کي بيا د خلکو پر اوږو باندي د سپرېدو موقع ورکوئ.
ورک سه ورک سه بدکرداره بد سړی
که دي خيل وي که عزيز وي که پر دی
وايي : «سل خره په سويه کي ښه دي نه يو …. په مرکه کي».
غله او ملي خاينين وګوره او د سولي مذاکرات؟ او له هغو څخه د سولي د راوستو هيله ؟؟؟؟؟؟
اين خيالست ومحالست وجنون !
تاسي به دا واياست چي دوی مردمي پشتوانې او پشتيبانې لري او خلک يې ترشا ولاړ دی، نه ! نه! خطاوتلي ياست. دوی هيڅوک نه لري او نه يې غواړي، صرف د څه پيسو په مقابل ځني لنډ غر لري اوبس او لنډغر هيڅ هم نه سي کولای.
د دغو ناکامو په اصطلاح سياسيونو پر ځای تاسي خپله د ګران هيواد له ګوټ ګوټ څخه رښتياني، مسلمان، افغان، د خلکو خواخوږي او د اعتماد وړ استازي عالمان، مخور، پوهان او بې غرضه شخصيتونه چي دغو غلو ګوښوته کړي او تر اوسه چا نه پوښتلي دي او نه يې د نظر څرګندولو موقع ورکړې ده در وغواړئ، ويې پوښتئ او د نړي والو په مخکي يې وږغوئ چي دوی د دغو غلو په اړه څه وايي او د هيواد د جوړ او د خلکو د ملي يووالي او رښتيانۍ سولي او له دې غميزي څخه د راوتلو په هکله څه عملي لاري چاري ښيي. د هيواد د دې حساسي موضوع حل له دغو خلکو څخه دغو خلکو څخه وغواړي او څه چي دغو اشخاصو ويل او کول غوښتل تاسي هم هغه وکړئ .

عبدالواحد

که ټول ملت په یوه خوله وای نه به امریکااونه روس توانیدلۍ وای چه په افغانستان کی مداخله کړی وای داتنهابی علمی اوبی اتفاقی ده چه ۱٪ملحدینوته یی پرافغانستان دتجاوزموقع برابره کړه

Back to top button
2
0
Would love your thoughts, please comment.x
()
x
Close
Close