یاغي دردونه/ تپاند زهاد

تپاند زهاد

لمـر چې غوټه شي نا قـراره شـمه
چې نیمه شپه شي نا قـراره شـمه

ستا د هجران ډیوې ته ناست یمه زه
چې ټول ویـده شي نا قـراره شمه

اخ څه یاغي دي ستا دردونه اشنا
چې زما میلـمه شي نا قراره شـمه

ســتا د تصـویر سره خبـرې کـوم
زړه مي خفه شې نا قـراره شمـه

بې لتا ژونـد زما نیـمـګړی ښکاري
بي لتــا نه شي نا قـــراره شمــه

کـړم احتـرام دې د غـمو جــانـانه
چې راستــانه شې نا قراره شـمه

د قدم ګرد دي ښکلوم په سترګـو

ټولـه رانجــه شې نا قـراره شمـه

تپاند زُهاددې درد ته غیږ ورکـوم
نا قــرار زړه شـي نا قــراره شـمـه