افغانستان

اشرف غني د اطلاعاتو او کلتور وزارت ته نوماند او هرات ولایت ته نوی والي معرفي کړ

نن ټکی اسیا (جمعه، ۱۵ وری، ۱۳۹۹ل): که څه هم تر اوسه په ارګ کې د دوه ولسمشرانو اشرف غني او عبدالله تر منځ سیاسي شخړه نه ده هواره شوې، اشرف غني د خپلې کابینې یو بل غړی ټاکلی او هرات ته یې نوی والي معرفي کړی دی.

د ارګ څخه په خپره شوې خبرپاڼه کې د بامیانو پخوانی والي طاهر زهیر د اطلاعاتو او کلتور وزارت د وزیر په توګه نوماند اعلان شوی دی.

په خبرپاڼه کې راغلي: «د اساسي قانون د څلور شپېتمې مادې د ۱۱ فقرې د حکم پر اساس، د افغانستان د اسلامي جمهوریت د اطلاعاتو فرهنګ وزارت د نوماند په توګه د محترم محمد طاهر زهیر ټاکل او معرفي منظور ده.»

طاهر زهیر تر دې وړاندې د بامیانو والي، په ولسي جرګه کې د سمنګان ولایت نماینده، په بامیان ولایت کې د ۳۴ فرقې قومندان تیر شوی دی.

په یوه بل حکم کې اشرف غني سید عبدالوحید قتالي د هرات د نوي والي په توګه معرفي شو.

قتالي ددې تر مخه د هرات ولایتي شورا مشر، د هرات ښاروال، د ریاست جمهوري د اداره امور عمومي رئیس، د ملي امنیت شورا سیاسي او ولسي معاون په حیث دندې تر سره کړي دي.

د یادونې وړ ده چې تر دې وړاندي اشرف غني شاکر کارګر د ولسمشر د دفتر د رییس، عبدالهادي ارغندیوال د مالیې وزارت د سرپرست او داوود سلطانزوی د کابل د ښاروال په حیث ګمارلي وه.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close