شاعر ته الهام

سيد عبيدالله نادر

شاعر ته ښه ده، چې هــجران وویني
یا د وطــــن یا د جـانان ووینـــــــــي

جوړ له انســــانه شي دریاب د عـلم
چې محرومیـت په دي جهــان وویني

په هر انســان کې دا د عجز نښه ده
چې کم له ټولو نه خـپل ځـــان وویني

د ژوند په قدر هم هــــغوي پوهــیږي
چې یا تنګـــسه او یا زندان ووینــي

د شـاعر شــــــعر هم غـځونې وکړي
چې په فریاد کــــــې بلبـلان  وویـني

د زړه احسـاس باندی ځوریږي هله
چې په ماحـــول کې بیدردان وویني

په تصور ورته الـــهام شي د شــــعر
چې ښـکلی مخ د خپل جــانان وویني