روغتیانړۍ

کرونا: امریکا کې تر ټولو خونړۍ ورځ، په تېرو ۲۴ ساعتونو کې «۱۴۸۰» کسان مړه شوي

د جانز هوپکنز پوهنتون شمېرو له مخې تېره ورځ یوازې د امریکا په نیویارک ایالت کې نږدې ۷۰۰ کسان مړه شوي دي.

نن ټکی اسیا (شنبه، ۱۶ وری، ۱۳۹۹ل): د امریکا په متحده ایالاتو کې د کروبا له کبله تېر څلورویشت ساعتونه تر ټولو خونړي وو چې یوازې په یوه ورځ کې «۱۴۸۰» کسان مړه شوي دي.

د امریکا د جانز هوپکنز پوهنتون د شمېرو له مخې یوازې په تېرو ۲۴ ساعتونو کې ۱۴۸۰ کسانو خپل ژوند له لاسه ورکړی، دا په نړۍ کې لومړی وار دی چې کرونا وبا په دومره موده کې زیات کسانو ژوند اخلي. دغه هېواد کې د ټولو مړو شمېر له ۷زرو پورته شوی دی.

د یاد پوهنتون د شمېرو له مخې یوازې په نیویارک ایالت کې په تېرو څلورویشت ساعتونو کې نږدې ۷۰۰ کسان مړه شوي، چیرته چې د ټولې مړینو شمېر  له ۳زرو پورته شو.

د امریکا حکومت پر خلکو د ماسکونو اچول لازمي ګرځولي دي، دوی لارښوونه کړې تر څو لږ تر لږه د پلورلو پرځای له رختونو جوړ ماسکونه واچوي.

په امریکا کې له سفري بندیزونو وړاندې درې نیم ملیونه کسان دغه هېواد ته داخل شوي چې د کرونا زیاتو پېښو لامل ګڼل کیږي.

د جانز هوپکنز پوهنتون احصائیو له مخې په تېرو څلورویشت ساعتونو کې ۱۵۸۳۷ کسان نور دغه هېواد کې پر کرونا اخته شوي چې په دې سره د ټولو اخته کسانو شمېره له ۲۶۰زرو پورته شو.

بل لوري ته په اسپانیا کې تېره ورځ ۹۳۲ کسان وژل شوي چې د ټولو مړو شمېر نږدې ۱۱زرو ته ورسېد. دغه راز ایټالیا د ۷۶۶ کسانو د مړینې خبر ورکوي چې شمېر یې له ۱۴نیم زرو پورته شو. د برتانیې روغتیا وزارت دغه هېواد کې د ۶۸۴ کسانو د مړینې خبر ورکوي.

امریکا کې د کرونا وروستۍ شمېرې:

[cvct country-code=”US”]

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عبد الله الفاروقي

تيره ورز مي يو بحث كتلو

خلاصه ي دادي

جه امريكا كي دا دومره فورته عدد مصابين هسي يو خيالي عدد دي

اصلي هدف ي دادي تر سو د نورو هيوادونو نظر او غوصه له خفله مخه لري كري
او نور هيوادونو لكه ( جين ، روسيه ، اسلامي هيوادونه ،….) ته دا وخيي جه دا عالمي وباء دي دوي امريكايان هم فكي راغلي

لكن حقيقت داسي دي ( باحث له نظره )

جه بيولوجيكي وسلي امريكا+ يهودانو دنيا خلكو باندي استعمال كري

او اكثره ولسمشران او وزيرانو ي هم دروغو باندي د كرونا مرض باندي مبتلاء كيدلو
خبر وركري

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x