شعـــــرونه

غزل/ پير محمدکاروان

پير محمد کاروان

تورې بلبلې یو زرغون غزل د ژوند وایه
غنم پاخه دي بس دعا د ږلیبند وایه

د شنو طوطیانو ماشومانو خولې ترخې ترخې دي
سرود سرود شیرین شیرین لکه ګل قند وایه

په مینه شیرو شکر نقل و بادام نرمې پستې
خوږې خبرې د جانان راته په خوند وایه

چې یې اوښان په زعفرانو په لونګو وي بار
پسې نارې د شین خالیو په اېلبند وایه

کاروان جرس نه لري خوب وړی دی خوب وړی دی
شرنګ د بنګړو د سپینې سولې د مړوند وایه

۵ حمل ۱۳۹۹ هجري شمسي خوست توره وړۍ

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x