نعت شريف/ محمد مهاجر

محمد مهاجر

درومې غواړه نور نبي سرداره د زړه سره
يم وصل ته دې تږی ناقراره د زړه سره

ژوندون مې د هجران بیخي تیریږي نه څه وکړم
داستاپه مینه مست اویم خماره د زړه سره

د سپین مخ په لیدو دې، وږې سترګي رامړې کړه
درمل مې کړه د خوږ زړګي پرهاره د زړه سره

په یوځل یادولو مې د زړه ټول کیف بدل شي
په وړاندي به دې څنګه یم نګاره د زړه سره

په دي باندې ډیر خوښ یم چې په مینه دې تورن یم
همېش دې کړم په مینه افتخاره د زړه سره

محمد مهاجر دې له نامه نه صدقه شم
قربان دې شم حبيبه له رخساره د زړه سره

صَلَّی اللّٰهُ عَلَیْهِ وَآلِهِ وَسَلَّمْ