افغانستان

امریکا: افغانان دې د سیکانو امنیت خوندي کړي

نن ټکی اسیا (پنجشنبه، ۲۱ وری، ۱۳۹۹ل): د مرکزي او سویلي اسیا په چارو کې د امریکا د بهرنیو چارو وزارت مرستیاله «الیس ویلز» وایي، سیکان د افغان ټولنې نه بېلېدونکې برخه ده، چې افغانان یې باید امنیت خوندي کړي.

الیس ویلز په همدې تړاو پر خپل ټویټر لیکلي، چې دوی په افغانستان کې د سیکانو د امنیت په اړه ژوره اندېښنه لري او په خبره یې «سیکان د افغان ټولنې یوه نه بېلېدونکې برخه ده، افغانان باید ټول سره یو ځای شي او ددې مذهبي لږکیو امنیت خوندی کړي.»

الیس ویلز داسې مهال په افغانانو باندې د سیکانو د ساتلو غږ کوي، چې څه موده وړاندې په کابل کې پر درمسال برید ګڼ سیکان ووژل او زیات شمېر یې ټپیان کړل.

سیکانو باندې له برید وروسته هغوی د هند له حکومت وغوښتل، څو دوی خپل هیواد ته انتقال کړي.

دمګړی په افغانستان کې د اهل هنودو نږدې ۹۰ کورنۍ ژوند کوي، چې د ۷۵۰ شاوخوا غړي لري.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close