نړۍ

واڼه: د پښتون ژغورنې یو مخکښ غړی په وسله وال برید کې ټپي شوی

نن ټکی اسیا (جمعه، ۱۲ غوايي، ۱۳۹۹ل): د پښتون ژغورنې غورځنګ یو مخکښ مشر عارف وزیر نن د جمعې په ورځ ماښام په یوه وسلوال برید کې ټپی شوي او روغتون ته انتقال شوی دی.

عارف وزیر د پښتون ژغورنې غورځنګ مشهورې څیرې علي وزیر د تره زوی دی.

علي وزیر چې د پاکستان په ملي اسمبلۍ (جرګه) کې د جنوبي وزیرستان د خلکو استازی دی، د اسلام اباد څخه واڼه ته پر لاره د رسنیو سره په خبرو کې ویلي، تر اوسه د عارف وزیر روغتیايي وضعیت په اړه څه نشي ویلای، د پيښې په اړه له هرې خوا ورته مختلف راپورونه ورکول کیږي، چې واڼه ته ورسیږي، اصل صورت حال به د رسنیو سره شریک کړي.

بلخوا د پښتون ژغورنې غورځنګ بل مخکښ مشر محسن داوړ هم رسنیو سره په تماس کې د پيښې پخلی کړی او ویلي يې دي چې په دغه پيښه کې بریدګر هم ژوبل شوي دي.

د نوموړي په وینا عارف وزیر یوه مرمۍ په غاړه او بله په سر کې لګېدلی چې له امله یې روغتیايي وضعیت په اړه اندېښنې ډیري دي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
طوطی

دا پښتون د علی وزیر د تره ځوی دی الله دی د ده شهادت قبول کړی. هغه همدا نن شهید شو.

Back to top button
1
0
ستاسو نظر مونږ ته دقدر وړ دی، راسره شریک یې کړئx