افغانستان

اروپايي اتحادیه: که د اوربند غوښتنه مو ونه منل شي، د اړتیا په وخت کې به مرسته ونکړو

نن ټکی اسیا (جمعه، ۱۹ غوايي، ۱۳۹۹ل): وروسته له هغه، چې طالبانو د حکومت او نړیوالو ملاتړو له لوري یې د اوربند  غوښتنه رد کړه؛ اروپايي اتحاديې ویلي، که د اوربند غوښتنې ته یې مثبت جواب ونه ویل شي، په سخت وخت کې به همکاري ونکړي.

د افغانستان لپاره د اروپايي اتحاديي استازي «رونالډ کوبیا» پر ټویټر لیکلي «اروپایي اتحادیې په بیا، بیا د افغانانو لپاره د بشري اوربند غوښتنه کړې. له موږ سره په دې برخه کې د همکارۍ ردول به په داسې یو وخت کې موږ له همکارۍ راوګرځوي، کله چې زموږ د سیاسي او مالي مرستې اړتیا تر سترګو کېږي.»

دغه څرګندونې وروسته له هغه کېږي، چې طالبانو د حکومت او نړیوالو ملاتړو له لوري یې د اوربند وړاندیز «غیرمعقول» وباله او رد یې کړ.

طالبانو وویل، په دوحه کې ددوی او امریکا تر منځ شوې توافقنامه که عملي شي، د افغانستان جګړه ورسره پای ته رسېږي او افغانان سولې ته رسولای شي، نو ځکه باید د اوربند د غوښتنې په ځای د یادې توافقنامې د عملي کېدو په وړاندې پراته خنډونه له منځه یووړل شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x