افغانستان

ولایتي شورا: د غور لاریون کې پولیسو ته د تلفاتو اوښتو راپورونه حقیقت نلري

نن ټکی اسیا (یکشنبه، ۲۱ غوايي، ۱۳۹۹ل): د غور ولایت ولایتي شورا وایي، د وړمې ورځې په لاریون کې پولیسو ته د مرګ ژوبلې اوښتلو راپورونه حقیقت نلري، بلکې د یوې بشر ضد پېښې د کمرنګه ښودلو لپاره دا ډول ادعاوې کېږي.

دغه څرګندونې د هغه لاریون په اړه دي، چې دوې ورځې وړاندې په غور ولایت کې د ولسي وګړو له لوري د مرستو غوښتلو په تمه شوی وو، خو په تاوتریخوالي واوښت او له امله یې تر شلو پورې ولسي وګړي مړه او ژوبل شول.

که څه هم عیني شاهدانو ادعا درلوده، چې امنیتي ځواکونو په لاریون کوونکو مخامخ ډزې کولې او هغوی یې وژل، خو کورنیو چارو وزارت ادعا وکړه، د لاریون کوونکو په منځ کې غیر مسئوله وسله وال موجود وو، چې په دولتي تاسیساتو يې ډزې کولې او د ډزو په پایله کې یې د دوو پولیسو او یوه خبریال تر څنګ درې ولسي وګړي ووژل شول او لس پولیس نور ټپیان شول.

د غور ولایت ولایتي شورا هم د کورنیو چارو وزارت دا ادعا ردوي او وایي، په پېښه کې هیڅ پولیس نه دی وژل شوی، او حتی د هغوی د ټپي کېدو څرکونه لا شته.

جمهور نیوز د ولایتي شورا د یوه تن غړي «بصیر احمد قادري» له قوله لیکي « هغه څېړنې چې موږ وکړې، ښيي چې په پېښه کې هيڅ پولیس نه دی وژل شوی، د هغوی د ټپي کېدو امکان هم ډېر کم دی، حقیقت دادی، چې امنیتي ځواکونو د خلګو په وړاندې بد او د ډیموکراټيکو اصولو خلاف چلند وکړ او  عاملین یې باید مجازات شي.»

د ولایتي شورا په اند، په لاریون کې امنیتي ځواکونو ته د مرګ ژوبلې اوښتو ادعاوې یوازې د یوې «بشر ضد» پېښې د پټولو او کمرنګه کولو لپاره کېږي.

په ورته وخت کې کورنیو چارو وزارت بیا وایي، د پېښې لپاره یې پلاوی ټاکلی او ژر به د رامنځته شوې پېښې جزئیات وپلټي.

طلوع نیوز د غور په لاریون کې د وژل شویو کسانو له کورنیو سره خبرې کړې، هغوی له خپل غربت سر ټکوي او وایي، چې د مرستو په تمه ښار ته ورغلي وو، خو د کورنیو غړي یې له لاسه ورکړل .

یاقوت شاه هم په همدې پېښه کې ژور ټپونه لیدلي، دی وایي، له یوه ملګري سره لیدو ته په لاره و، چې د لاریون په ځای کې امنیتي ځواکونو په ټانګ وواهه.

یاده دې وي، چې د غور ولایت پېښې پراخ غبرګونونه راپارولي، اروپایي اتحادیې، د بښنې نړیوال سازمان او ګڼو نورو لورو په حکومت د پېښې د شفافې څېړنې غږ کړی.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
Adam Khan

Thank you Nunn.Asia for the facts and thank you for exposing the incorrect and false news of the Kabul Administration.
You are making a history in journalism.
Many thanks again

Back to top button
1
0
Would love your thoughts, please comment.x
()
x
Close
Close