روغتیا

هرات کې د «کرونا» روغتون ۱۳ ډاکټرانو استعفا ورکړه

نن ټکی اسیا (چهارشنبه، ۱۴ غبرګولي، ۱۳۹۹ل): په هرات ولایت د کرونا وبا(کوویډ۱۹) سره د مبارزې او درملنې روغتون ۱۳ ډاکټرانو په ډله ییزه توګه له خپلو دندو استعفا ورکړې ده.

نوموړي ډاکټران د خپلې استعفا لامل د دې ولایت د روغتیا ریاست لخوا تازه مقرر شوي سخت شرایط یاد کړي، د کومو له مخې چې د ډاکټرانو کاري ساعتونه زیات شوي او په ترڅ کې یې هغوی ته د کرونا وبا د پېښېدو خطر زیات شوی دی.

ډاکټران دغه راز شکایت کوي، چې د نویو مقرراتو له مخې ددغه روغتون هیڅ ډاکټر او کار کوونکي ته اجازه نه ورکول کیږي، ترڅو خپل د کرونا ازموینه ترسره کړي، کوم کار چې د ډاکټرانو په خبره ددوی ژوند سره د لوبې کولو په معنی دی.

د استعفا ورکوونکو ډاکټرانو له ډلې څخه یو شمېر یې ادعا کوي، چې د هرات ولایت د عامې روغتیا ریاست مسئولینو ګواښلي دی، که چیرې دغه نوي مقررات عملي نه کړي، له دندو څخه به یې ګوښه کړي.

په هرات کې د کرونا وبا(کوویډ ۱۹) شیدايي روغتون ډاکټران په داسې مهال ډله ییزې استعفا ته اړ کیږي، چې د یاد روغتون ډاکټرانو له تیرو ۳ میاشتو څخه خپل میاشتي حقوق هم نه دي ترلاسه کړي او له سختو اقتصادي ستونزو سره لاس او ګریوان دي.

د هرات ولایت د عامې روغتیا مسئولینو تراوسه ددغو ډاکټرانو د استعفا او شکایتونو په هکله رسنیو ته څه ویلي نه دي.

له ایران سره په پوله پروت هرات ولایت چې په افغانستان کې د کرونا وبا د خپرېدو اصلي مرکز بلل کیږي؛ خو د ناروغانو د شمېر له پلوه له کابل وروسته په دویم نمبر کې راځي.

هرات ولایت کې تردامهاله د کرونا وبا(کوویډ ۱۹) دوه زره، نهه سوه او یو (۲۹۰۱) مثبتې پېښې ثبت شوي، چې له دې ډلې څخه ۵۸ تنه یې وفات شوي او ۲۸۶ تنه نور بیرته رغیدلي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close