افغانستان

دولتي عسکرو په غزني کې په ۳۰۳ مسافر وړونکي موټر ډزې کړي

نن ټکی اسیا (سه شنبه، ۲۴ چنګاښ، ۱۳۹۹ل): د غزني ولایت په مرکز شهباز سیمه کې دولتي عسکرو د مسافرو په ۳۰۳ ډوله موټر ډزې کړي، چې له امله یې ۳ تنه مسافر مړه او ژوبل شوي.

دغه مسافر وړونکی موټر چې له نیمروز ولایت څخه کابل ته پر لاره ؤ، نن د سه شنبې په ورځ (۲۴ چنګاښ) سهار لس بجې د شبهاز په سیمه کې د ملي اردو ځواکونو ورباندې ډزې وکړې، یو مسافر یې وژلی او ۲ نور یې ټپيان کړي دي.

مسافرین وايي، په دغه پېښه کې وژل شوی کس د ایران یو مسافر ؤ، چې له کلونو مسافري وروسته د خپل کور په لور روان ؤ؛ خو کور ته له رسېدو وړاندې د ملي اردو ځواکونو لخوا په لویه لارې کې وویشتل شو او په وینو سور جسد یې کورنۍ ته ولیږدول شو.

ددې پېښې په غبرګون کې د شهباز سیمې خلکو د کابل ـ کندهار لویه لاره د تګ راتګ په مخ وتړله او له چارواکو یې وغوښتل چې په پېښه کې ککړ د ملي اردو عسکر دې ونیسي او محاکمه دې کړي.

د غزني د والي ویاند وحیدالله جمعه زاده هم دغه پېښه تاییدوي او ژمنه کوي چې د پېښې په هکله به تحقیقات ترسره کوي.

دا لومړی ځل نه دی چې دولتي عسکر د لویې لارې په اوږدو کې په مسافر وړونکو موټرو ډزې کوي او مسافرینو ته مرګ ژوبله اړوي، بلکې تردې وړاندې هم د پلازمینې کابل په ګډون په ګڼو ولایاتو کې دولتي عسکرو پر مسافر وړونکو موټرو ډزې کړي او ګڼو مسافرو ته یې مرګ ژوبله اړولې ده.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close