افغانستان

پاکستان یوځل بیا په کونړ توغندي ویشتلي

نن ټکی اسیا (دوشنبه، ۳۰ چنګاښ، ۱۳۹۹ل): پاکستاني پوځیانو له تیرې ورځې راهیسې یوځل بیا د ډیورنډ په فرضي کرښه د کونړ ولایت په مربوطاتو کې توغندويي بریدونه کړي دي.

د کونړ د والي ویاند عبدالغني مصصم وايي، پاکستاني پوځیانو په تیرو ۲۴ ساعتونو کې ددې ولایت په شلتن ولسوالۍ ۲۹ توغندي توغولي، چې له امله یې یو شمېر کورونه نړیدلي او خلکو ته ځاني او مالي زیانونه رسیدلي دي.

که څه هم نوموړي ددې توغندیو د تلفاتو په هکله تفصیل نه دی ورکړی؛ خو تر دې وړاندې د پاکستاني ځواکونو توغندیزو بریدونو کې اووه تنه ملکیان وژل شوي وو.

که څه هم تردې وړاندې د افغانستان د بهرنیو چارو وزارت د پاکستاني پوځ د توغندیزو بریدونو په تړاو ملګرو ملتونو ته شکایت کړی ؤ؛ خو لاهم په کونړ او نورو سرحدي سیمو د پاکستاني پوځ لخوا ویشتل کېدونکي توغنديز بریدونه نه دي دریدلي.

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx