افغانستان

کرزی: طالبان او حکومت دې د بندیانو په خوشي کولو د سولې په برخه کې کړې ژمني عملي کړي

نن ټکی اسیا (چهار شنبه، ۸ زمري، ۱۳۹۹ل):د کابل حکومت پخوانی مشر «حامدکرزی» وایي، دواړه لوري دې د بندیانو په خوشي کولو سره هغه ژمنې پوره کړې چې سولې ته د رسېدو په برخه کې يې کړي.

کرزي دغه څرګندونې د طالبانو او د هغه په تعقیب د حکومت له لوري د اوربند د اعلانونو په غبرګون کې کړي.

نوموړي د اختر په مناسبت له شوي اوربند هرکلی کړی او د بین الافغاني مذاکراتو د پيلېدو په برخه کې يې مثبت او اغېزناک ګام یاد کړی.

کرزي هیله کړې، چې دواړه لوري تر اختر وروسته هم اوربند وغځوي، د یو بل په وړاندې نظامي عملیات ودروي او د بندیانو په خوشې کولو سره، د خبرو او تفاهم له لارې سولې ته د رسېدو لپاره خپلې ژمنې عملي کړي.

د کرزي له لوري د بندیانو د خوشي کولو غوښتنه داسې مهال ده، چې طالبانو د اختر په مناسبت درې ورځنۍ اوربند اعلان کړی او مشر يې «شیخ هبة الله اخند» له ټولو داخلي جهتونو غوښتي، چې د بین الافغاني مذاکراتو په لاره کې پراته خنډونه لرې او د لنډ مهاله ګټو په ځای د هیواد علیاء مصالحو ته ترجیح ورکړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x