افغانستان

د بولدک ـ چمن دروازه کې درنه جګړه روانه ده

نن ټکی اسیا (پنجشنبه، ۹ زمري، ۱۳۹۹ل): سیمه ییزې سرچینې او مسافر وايي، د بولدک ـ چمن دروازه کې د پاکستاني ځواکونو او مسافرو ترمنځ له فیزیکي شخړې وروسته افغان او پاکستاني پوځیانو نښته پیل کړې ده.

دا نښته هغه مهال پیل شوه، کله چې پاکستاني سرحدي ملیشو د چمن دروازه د مسافرو پرمخ وتړله، د کومې له کبله چې د پاکستان خواته بند افغان مسافر په قهر او د پاکستاني ملیشو لخوا درول شوو د قرنطین خیمو ته یې اور واچولو.

له دې پېښې وروسته پاکستاني سرحدي ملیشو په مسافرو ناتاره ډزې کړي، چې له امله یې د لومړنیو معلوماتو له مخې د ښځو او ماشومانو په ګډون ۹ مسافر وژل شوي او ۷۵ نور ټپیان دي، په وژل شوو کې دوه میرمنې، درې نارینه او څلور ماشومان شامل دي.

د کندهار سیمه ییز خبریال صدیق الله افغان وايي، د کندهار امنیه قومندان جنرال تادین او د سرحدي لوا قومندان جنرال انور انبیا بولدک ولسوالۍ ته رسیدلي، چیرته چې د افغان او پاکستاني پوځیانو ترمنځ درنه جګړه روانه ده.

افغان او پاکستاني چارواکو تراوسه ددې پېښې په تړاو رسمي نظر نه دی څرګند کړی.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
طوطی

خو دا یو حقیقت دی چی هم حکومت و هم طالبان د بولدک د جنګ په ارتباط چپه خوله دی. طالبان خو ویل کیږی چی د هغوی کورونه په پاکستان کی دی او باید چپه خوله پاتی شی ولی غنی سرکوزی ولی سر ټیټی دی؟

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x