میدان وردګو کې د طالبانو په همکارۍ له سلګونو سېلاب ځپلو کورنیو سره مرسته شوې
نن ټکی اسیا (جمعه، ۱۴ وږي، ۱۳۹۹ل): د میدان وردګو ولایت په سید اباد ولسوالۍ کې مرستندویه مؤسساتو د طالبانو په همکارۍ له سلګونو هغو کورنیو سره مرسته کړې، چې په دې وروستیو کې سیلابونه درانه مالي او ځاني زیانونه ورته اړولي.
د طالبانو ویاند «ذبیح الله مجاهد» په همدې تړاو په خپل ټویټر لیکلي «د میدان وردګو ولایت سیدآباد ولسوالۍ کې د اسلامي امارت د مجاهدینو په همکاري له ۳۹۴ سیلاب ځپلو او بې وزله کورنیو سره د آی او ایم، ډاکار او ډبلیو ایف پی مؤسسو له لوري هرې کورنۍ ته ۴ بوجۍ اوړه، ۲۵ کیلو دال، کمپلې، د آشپزخانې سامان او بیلابیل ضروري مواد و ویشتل شول.»
#Report
Mujahidin of Islamic Emirate distributed 4 parcels of flour, 25kg daal beans, blankets, kitchenware & other basic necessities provided by IOM, DACAAR & WFP to each 394 flood-affected and needy families in Sayedabad district #Wardak https://t.co/4yKx91aIVw— Zabihullah (..ذبـــــیح الله م ) (@Zabehulah_M33) September 4, 2020
یاده دې وي، چې تېره اوونۍ د میدان وردګو په ګډون د افغانستان ګڼ شمېر ولایتونه سیلابونه سخت وځپل او زرګونو کورنیو ته یې مالي او ځاني زیانونه واړول.
یادو سیلابونو تر بل هر ځای زیاته ویجاړي په پروان ولایت کې رامنځته کړه، چې دوه سوه ته نږدې کسان یې ووژل او سلګونه کورونه یې ویجاړ کړل.
