روغتیا

د هاضمې ستونزې او د خیټې پړسوب څخه د خلاصون غوره لارې چارې

نن ټکی اسیا (جمعه، ۴ تله، ۱۳۹۹ل): د یوې فرانسوي ژورنال د څیړنیز راپور له مخې د هاضمې ستونزې او د خیټې پړسوب زیاتره وخت د خپګان او فشار له امله هم کیدلی شي، ځکه چې معده او فشار پر مزاج او ورځني فشار ژور اغیز کوي.

دغې ژورنال داسې غوره لارې وړاندې کړي چې په مرسته یې کولی شئ د هاضمې سیستم غوره کولو او د خیټې پړسوب او ګاز له منځه وړلو کې مرسته کوي.

سهارنی ورزش

له ټاکلي وخت ۱۵ دقیقې وړاندې پورته شئ او د یوګا په څېر ورزش ترسره کړئ، ددې لپاره په پښو کښینئ او سر پښو ته نږدې کیږدئ، بیا لاسونه پراخه وغوړوئ او اوږې نیغې د ځمکې په لور ټيټې کړئ او د پوزې له لارې سوکه سوکه هوا واخلئ. په دې سره فشار او خپګان له منځه تلی شي.

اوبه څښل

له اوږده خوبه د راپاڅېدو څخه وروسته بدن د وچوالي سره مخ کیږي، ددې لپاره چې څنګه له خوبه راپاڅیږئ لومړی یو ګیلاس اوبه وڅښئ، تر اوبو غوره داده چې د لیمو شربت په ګرمو اوبو کې ګډ او بیا وڅښل شي.

د خیټې مالش

د خیټې مالش کول هاضمې سره مرسته کوي، په نرمۍ سره د معدې او ګېډې شاوخوا ځای د لاس موټي په واسطه مالش کړئ، بیا ژوره ساه واخلئ او د لاس موټي سره د پوښتیو ترمنځ سخت فشار ورکړئ.

د قبضیت ضد جوس

نیم آم او نیم ناک ته تازه ادرک ورزیات او ۱۰ ملي لیتره اوبو کې واچوئ، ښه یې مکس کړئ «جوس» بیا یې وڅښئ، ژور توپیر به وګورئ.

اصلي تېل (هغه تېل چې د یو ډول بوټو څخه جوړ شوي او ځانګړی بوی لري)

کله چې تاسې د ژور خپګان یا فشار ښکار شئ، یو څاڅکی کیمومیل، یو څاڅکی د لیمو اصلي تېل د یوې کاشوغې شاتو سره ګډ کړئ، له سهارني چای ۱۰ یا ۱۵ دقیقې وړاندې یې وڅښئ.

خواړه ښه ژوول

هیڅکله سهارنۍ داسې مهال مه کوئ چې تاسې په حرکت کې یئ، ارامه کینئ او خواړه خوله کې ښه ژویئ، په دې سره به په لعابو کې ځینې انزایمونه تاسې سره په خوړو هضمولو کې مرسته وکړي چې ورسره به سهار کې د کولمو دردونه هم نه وي.

د سعتر چای (یو ډول خوشبویه بوټۍ دی چې پاڼې يې په خوړو او چای کې استعمالیږي)

د سعتر چای په ژمي کې یوازې د ویروسونو سره د مبارزې لپاره مثالي نه دي بلکې دا د پړسوب ضد موادو خاصیت هم لري، یوه اندازه سعتر د لسو دقیقو لپاره په ۳۰۰ ملي لیتره جوش شوې اوبو کې واچوئ (سعتر چای) او سهار یې وڅښئ، په دې سره به مو د معدې ستونزې ختمې شي.

ورځنی پلان

خپل ورځني کارونه ترتیب او کافي اندازه وخت ورکړئ، په دې کې د زړه پیاوړتیا لپاره د ارامۍ تمرین ته وخت تنظیم کړئ.

مګنیشیم وخورئ

میګنیشم د عضلاتو او د هاضمې ستونزو ارامولو کې مرسته کوي، که چیرې تاسو د فشار او د خپګان ډیر ښکار کیږئ، نو اضافي میګنیشم وخورئ.

خوراک ته زیره زیاته کړئ

د زیرې پوډر او دانې دواړه په خوړو کې استعمالولی شئ ځکه چې دا د کولمو ګاز او د خیټې پړسوب له منځه وړلو لپاره غوره نسخه ده.

د هډوکو «ارتوپیدیک» ډاکټر سره وخت وټاکئ

که تاسو ددې پورتنیو نسخو سربېره بیا هم د خیټې پړسوب څخه کړیږئ، نو د هډوکو ډاکټر ته ورشئ او ددې درملنه به ستاسو د معدې او خیټې ستونزې له منځه یوسي او د خواخوږۍ او ذاتي عصبي سیستمونه به توازن ومومي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x