شعـــــرونه

دعا/ اکرام الدين مفتون

اکرام الدين مفتون

افغانستانه خداى دې نور له جنګسالارو خلاص کړه
افغانستانه خداى دې نور له دې کفارو خلاص کړه
افغانستانه خداى دې نور له دې مردارو خلاص کړه

خداى دې د غله غلام خاين او له غدارو خلاص کړو
خداى دې له پوچو نظريو او له افکارو خلاص کړه

افغانستانه خداى دې بېرته په ځوانۍ راوله
افغانستانه خداى دې غيږ ته خوشالۍ راوله

افغانستانه خداى دې سوى وجود ورغوه
افغانستانه خداى دې هيلې غوټۍ وغوړوه

افغانستانه خور وجود دې سره بيا راټول شه
افغانستانه ورک بچيان دې په خندا راټول شه

افغانستانه هر  پرهر دې پسرلي وشينده
افغانستانه هر يو آه دې زندګي وشينده

راته له ځانه ګرانه له ټول جهانه ګرانه
رب دې د امن کور کړه افغانستانه ګرانه

ربه قبوله يې کړه دغه دعا د مفتون
دا نازولى اميد او تمنا د مفتون

(آمين يارب العالمين)

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x