جوزجان کې ۷ دولتي عسکر طالبانو سره يو ځای شوي
نن ټکی اسیا (دوشنبه، ۱۴ تله، ۱۳۹۹ل): طالبانو سره د دولتي عسکرو د يوځای کېدو لړۍ په دوام نن يو ځل بيا ۷ تنه دولتي عسکر په جوزجان غې له طالبانو سره يو ځای شوي دي.
د طالبانو وياند ذبيح الله مجاهد وايي چې د جوزجان ولايت په مردیان ولسوالۍ کې اووه تنه دولتي عسکر د دعوت ارشاد مسؤلينو په هلو ځلو له دوی سره يو ځای شوي دي.
#الفتح:
د جوزجان ولایت مردیان ولسوالۍ مربوطاتو کې دکابل ادارې ۷ تنه عسکر او پولیس د دعوت او ارشاد مسئولینو په هلو ځلوسره له خپلو دندو لاس په سر او مجاهدینو ته راغلل.
مسئولینو یې هرکلی وکړ.
د راغلو نومان: محمدامین، محمدموسی، محمدسردار، سیدعلم، محراب الدین، محمدصابر او نور محمد دی. pic.twitter.com/eOwuYMXKgM— Zabihullah (..ذبـــــیح الله م ) (@Zabehulah_M33) October 5, 2020
مجاهد د يادو عسکرو نومونه محمدامین، محمدموسی، محمدسردار، سیدعلم، محراب الدین، محمدصابر او نور محمد ياد کړي دي او ويلي يې دي چې د طالبانو له لوري يې هرکلی شوی دی او د خونديتوب په موخه ورته ځانګړي کارتونه ورکړل شوي دي.
د يادونې وړ ده چې د روان کال فبرورۍ په ۲۹ مه په دوحه کې د طالبانو او امريکايي لوري ترمنځ له افغانستان څخه د بهرنيو ځواکونو د وتلو تړون وروسته ګڼ شمير عسکر له خپلو دندو لاس په سر کيږي او د طالبانو ليکو ته ورځي او يا هم عادي ژوند غوره کوي.
طالبان هم وخت په وخت په دولتي عسکرو غږ کوي چې د دوی په وړاندې له جګړې لاس واخلي او خپل عادي ژوند ته وروګرځي.
