افغانستان

پکتيا کې ۶ عسکر له طالبانو سره يو ځای شوي

نن ټکی اسیا (جمعه، ۱۸ تله، ۱۳۹۹ل): له دولتي ليکو د عسکرو او پوليسو د جلا کېدو په دوام نن يو ځل بيا په پکتيا ولایت کې ۶ عسکر له دولتي ليکو جلا شوي او طالبانو سره يو ځای شوي دي.

د طالبانو وياند ذبيح الله مجاهد وایي چې د پکتيا ولايت په ځاځي اريوب ولسوالۍ کې ۶ تنه عسکر او پوليس له خپلو دندو لاس په سر شوي دي او طالبانو سره يو ځای شوي دي.

مجاهد ددې عسکرو نومونه رفيق، شفيق، خان محمد، علم الدين، سميع الله او حبيب الرحمن ياد کړي دي او ويلي دي چې د جلب او جذب کميسيون د مسؤلينو له لوري يې هرکلی وشو.

باید وويل شي چې په دې وروستيو کې له دولتي ليکو د عسکرو او پوليس جلا کېدو لړۍ تيزه شوې ده چې له امله يې هره مياشت سلګونه عسکر له خپلو دندو لاس په سر کيږي او د طالبانو ليکو ته ورځي.

تېره اوونۍ هم د جوزجان ولايت په مرديان ولسوالۍ کې اووه تنه دولتي عسکر له طالبانو سره یو ځای شوی وو.

د يادونې وړ ده چې د هېواد د نورو ولايتونو په څېر په پکتيا ولایت کې هم د طالبانو حضور تر پخوا پياوړی شوی دی او ددې ولایت په بېلا بېلو سيمو کې له دولتي عسکرو سره په نښتو کې ښکېل کيږي او ځينې وخت په لويو لارو د موټرو تالاشي هم کوي او حکومتي کارمندان ورڅخه ښکته کوي.

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx